Os soricomorfos (nombre cientifico Soricomorpha (Gregory, 1910), en latín) son una orden de mamiferos placentarios que en l'actualidat incluye cuatro familias d'animals que enantes se clasificaba en a desapareixida orden Insectivora: Soricidae (as musaranyas y os morganyos), Talpidae (os taboneros y os toboneros d'augua), Solenodontidae (os almiquís) y Nesophontidae (con todas as suyas especies extinguidas). Soricomorpha en Animal Diversity Web, consultada o 28 d'agosto de 2018.
O nombre Soricomorpha deriva de Sorex, -icis parola latina que designaba as musaranyas pero tamién os zorz mas chiquilins (bella cosa como «ratonet», «ratolichón») y que ye a radiz de parolas como o francés souris Gaffiot, F. Dictionnaire illustré Latin-Français. Hachette, 1934. OCLC 319740495 u l'italiano sorcio Sorcio en Dizionario di Italiano, consultau o 28 d'agosto de 2018. Sorcio en Grande Dizionario Italiano, consultau o 28 d'agosto de 2018. (ratón). Soricis + morphos significa «con a forma d'o ratón».
Descripción
Os soricomorfos tienen a cabeza gran, con uellos chicos y o muixo largo y con forma punchuda. As orellas son redondas, de forma y mida variable. Tienen una vista muit pobre, pero gran olfacto y oyiu.
As patas rematan en zarpetas muit simples y poco especializadas, con forma de man y de piet as debanteras y as zagueras respectivament. Tienen desplazamiento plantigrau. Nomás bellas especies que tienen costumbres soterranios y semi-soterranios tienen as zarpas debanteras mas desenvolicadas (toboneros), y atras que tienen costumbres semi-acuaticos (morganyos) as tienen con pelos recios entre os didos y en as palmas que emplegan pa propulsar-se en l'augua.
Todas as especies de soricomorfos son insectivoros que miran as suyas presas con l'olfacto, belunas en l'augua y atras en tierra. A mayoría habitan en puestos no guaire secos, cuasi siempre con buena presencia d'augua u con humedat, como en o sotobosque, anque en i ha excepcions contadas que viven en disiertos.
Referencias
Se veiga tamién
Morganyo. Erizón. Tabonero. Eulipotyphla.
Vinclos externos
Categoría:Mammalia Categoría:Órdens de mamiferos