A Liga Nacional de Básquet (LNB, en aragonés Liga Nacional de Basketbol), conoixida tamién como La Liga de Básquet, ye la maxima categoría d'o sistema de ligas de basketbol d'Archentina. Ye organizada por l'Asociación de Clubes (AdC).
A competición estió creyada en l'anyo 1985 gracias a l'empenta d'o entrenador León Najnudel y d'o periodista esportivo Osvaldo Orcasitas, con l'obchectivo d'unificar as numerosas ligas rechionals y de fer mas competitivo lo basketbol de clubs archentino. La LNB substituyó lo desapareixiu "Campeonato Argentino de Clubes", organizau dica alavez por a "Confederación Argentina de Básquetbol".
O formato d'a liga s'inspiró en o formato d'a National Basketball Association (NBA) estausunidense, con una temporada regular, un "Chuego d'as Estrelas" y uns play-offs ta decidir o campión. Manimenos, a diferencia d'a NBA, la LNB tien un sistema d'ascenso y descenso con a Liga Argentina (LLA), a segunda categoría d'o basketbol masculino d'Archentina.
Historia A Liga Nacional de Básquet (LNB) se fundó en 1985 con l'obchectivo d'unificar o basketbol archentino a livel nacional y profesionalizar a competición. Naixió como relevo d'o "Campeonato Argentino de Clubes", que dica alavez yera la prencipal competición d'o país, y substituyó lo sistema de campionatos rechionals por una liga nacional.
A creación d'a liga fue empentada principalment por l'entrenador León Najnudel, con a colaboración d'o periodista esportivo Osvaldo Ricardo Orcasitas y d'atros miembros d'o basketbol archentino.
En 1984 se disputó un torneyo de transición ta determinar os clubs que participarían en a nueva competición. O 26 d'abril de 1985 escomenzó la primer temporada, con 16 equipos. O primer partiu oficial d'a historia d'a LNB enfrentó a l'Instituto y lo Sport Club Cañadense. O primer campión estió lo Ferro Carril Oeste, dirichiu por Luis Martínez, dimpués de competir con l'Atenas de Córdoba en a final.
A fundación d'a LNB marcó un punto d'inflexión en o basketbol archentino. A implantación d'una liga nacional con calandario regular y sistema d'ascenso y descenso permitió una competición mas estable entre clubs de tot o país y contribuyó de forma destacada a lo desenrollo d'os clubs rechonals y a la formación de nuevos chugadors.
En 1992 se fundó lo "Torneo Nacional de Ascenso" (TNA), la segunda categoría d'o basketbol archentino, enforteixendo la estructura d'as competicions nacionals. Posteriorment, a competición cambió lo suyo nombre por o de "Liga Argentina".
Anyos dimpués, a LNB continó modernizando la suya organización y o suyo formato. Entre 2013 y 2015 lo sistema de descenso se suspendió de forma temporal ta reducir as cargas economicas d'os clubs. En 2014 se creyó la "Liga de Desarrollo", una competición orientada enta la formación de chugadors chóvens y a enfortir o sistema de categorías inferiors.
Equipos 2018/19 EquipoFundauCiudatPabillónCapacidat Argentino de Junín 1935 Junín El Fortín de las Morochas 1.200 Atenas de Córdoba 1935 Córdoba Polideportivo Municipal Carlos Cerutti 3.730 Club Atlético Boca Juniors 1929 Buenos Aires Estadio Luis Conde 2.400 Club Ciclista Olímpico 1921 La Banda Estadio Vicente Rosales 3.900 Club Comunicaciones Mercedes Estadio de Comunicaciones 3.500 Club Estudiantes Concordia 1944 Concordia El Gigante Verde 1.610 Club Ferro Carril Oeste 1904 Buenos Aires Estadio Héctor Etchart 4.500 Gimnasia y Esgrima de Comodoro Rivadavia 1919 Comodoro Rivadavia Estadio Socios Fundadores 2.276 Club Deportivo Hispano Americano 1925 Río Gallegos Estadio Tito Wilson 500 Instituto Atlético Central Córdoba 1918 Córdoba Gimnasio Ángel Sandrín 4.010 La Unión de Formosa 2004 Formosa Estadio Cincuentenario 5.500 Club Deportivo Libertad 1910 Sunchales El Hogar de los Tigres 4.000 Obras Sanitarias de la Nación 1917 Buenos Aires Estadio Obras Sanitarias 3.100 Club Atlético Peñarol 1922 Mar del Plata Polideportivo Islas Malvinas 8.000 Club Atlético Quilmes 1922 Mar del Plata Polideportivo Islas Malvinas 8.000 Asociación Atlética Quimsa 1989 Santiago del Estero Ciudad de Santiago del Estero 5.200 Club de Regatas Corrientes 1923 Corrientes Estadio José Jorge Contte 3.400 Club Atlético San Lorenzo de Almagro 1935 Buenos Aires Polideportivo Roberto Pando 2.700 Club San Martín de Corrientes 1932 Corrientes Estadio Raúl Argentino Ortíz 2.500 Bahía Basket 2010 Bahía Blanca Estadio Osvaldo Casanova 5.000
Palmarés EquipoTitolsAnyadas Atenas de Córdoba9 1987, 1988, 1990, 1991-92, 1997-98, 1998-99, 2001-02, 2002-03 y 2008-09 Peñarol5 1993-94, 2009-10, 2010-11, 2011-12 y 2013-14 San Lorenzo de Almagro5 2015-16, 2016-17 y 2017-18, 2018-19, 2020-21 Boca Juniors5 1996-97, 2003-04 y 2006-07, 2023-24, 2024-25 Ferro Carril Oeste3 1985, 1986 y 1989 GEPU2 1990-91 y 1992-93 Estudiantes de Olavarría2 1999-00 y 2000-01 Quimsa2 2014-15, 2022-23 Gimnasia y Esgrima de Comodoro Rivadavia2 2005-06, 2025-26 Independiente de General Pico1 1994-95 Libertad1 2007-08 Regatas Corrientes1 2012-13 Olimpia1 1995-96 Ben Hur1 2004-05Instituto1 2021-22
Vinclos externos
Pachina web oficial d'a Liga Nacional de Básquet.
Categoría:Competicions de basketbol en Archentina