Domingo Martín Catalán Lera, conoixito esportivament como Domingo Catalán, naixito de Novals, Uesca o 4 d'agosto de 1948. Ye un atleta y empresario aragonés anque dende nino vivió en Barcelona a on ha feito a suya trachectoria esportiva y de negocios.
En os suyos millors anyos estió considerato como o millor corredor d'o mundo de 100 km. Domingo Catalán está en Suráfrica para disputar una carrera el sábado. Entre as suyas victorias atleticas cal destacar dos Campionatos d'o Mundo de 100 km en rota (1987 y 1988) y una vegata segón (1992), 6 vegatas campión d'Espanya de 100 km en rota (1985,86,87,88, 90 y 92) y muitos campionatos de Catalunya en diversas prebas dende 3.000 metros obstaclos dica a maratón..
Como empresario fue pioner y un d'os grans impulsors d'a practica y a organización de Maratones en Catalunya, partecipando en a organización d'a primera maratón que se fació en Catalunya en l'anyo 1978 en Palafrugell, en l'anyo 1980 partecipa en a organización d'a primera edición d'a Maratón de Barcelona y tamién en muitas edicions posteriors. 1984 ye l'anyo en que fundó a suya tienda de material esportivo ta la practica de l'atletismo y en 1990 crea o club d'atletismo Domingo Catalan Fondistes Club.
En l'actualidat, con a tienda cerrata, vive en o suyo pueblo natal con a suya muller anque viacha de contino a Barcelona y ye retirau parcialment d'as cursas por as suyas lesions en os chenullos.
Trachectoria esportiva Prencipió a practica de l'atletismo en Barcelona en 1964, cuan teneba 16 anyatas en a sección d'atletismo d'o FC Barcelona y o suyo entrenador yera Gregorio Rojo, iste anyo partecipó en a Cursa Jean Bouin de Barcelona, aconsiguiendo un tercer puesto en a clasificación d'a categoría de prencipiants. Pero no estió dica l'anyo 1970 cuan aconsiguió o suyo primer títol important cuan aconsiguió ganar en a final d'o Campionato de Catalunya d'atletismo en a preba de 3.000 metros obstaclos.
Contra mas edat Domingo partecipaba en cursas de mas longaria, en 1977 partecipó en a suya primera maratón, a Maratón de Nueva York, a on aconsiguió un segundo puesto en a clasificación por equipos con atros atletas catalanes. En 1985 ya partecipa en cursas de 100 km, ganando o campionato estatal en rota cuatre vegatas consecutivas y dos mas posteriorment en 1990 y 1992, entre istos anyos gana dos títols mundials de 100 km en rota y un subcampionato en 1992. En Niza 1987 aconsiguió una marca increible de 6:15:16 baixando o record mundial d'a preba mas de 15 menutos, pero a marca no estió homologata por que o circuito teneba una pequenya enclenación de baixata.
Bibliografía Gaya, Ignasi. Domingo Catalán De 0 a 100, Cossetània Edicions, Barcelona, 2014, .
Referencias
Vinclos externos El adiós de un mito. Dentrata en a enciclopedia.cat de Domingo Catalán.
Categoría:Atletas d'o FC Barcelona Categoría:Atletas d'o Nike AC Categoría:Corredors de fundo d'Aragón Categoría:Corredors de fundo de Catalunya Categoría:Esportistas de Uesca Categoría:Naixius de Novals Categoría:Récords d'Espanya d'atletismo Categoría:1948 (naixencias)