Lo sufixo -anco ye d'orichen prerromano present en aragonés y atras luengas romances occidentals. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002, pp 72-73. S'anyade a nombres de terrenos indicando dureza, dificultat u asprura, d'astí que se trobe en toponimos. Tamién s'anyade a zoonimos indicando matices peyorativos por salvache, defectuoso, gran u chico.
Eixemplos Barranco. Chesanco. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 187, p 349. Losanca. Poltranco, protanca. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991, p 318, p 295. Pozanco.
Comparanza con atros sufixos Lo sufixo -anco se troba en basco como diminutivo, pero no se considera d'este orichen, sucherindo-se un orichen ligur, encara que bella palabra con este sufixo como barranco ye considerada como d'orichen sorotaptico. En las luengas romances occidentals ye bien documentau como productivo u como formant de toponimos: se troba en astur-leyonés, en idioma castellano, en catalán, en occitán, en luengas italorromanicas y en sardo.
En los dialectos occitans septentrionals se troba la variant palatalizada -ancha. En francés y arpitán se troba la forma -anche d'acuerdo con la fonetica d'estas luengas, que tienen una lei fonetica que transforma la A de lo latín en e (por eixemplo en l'arpitán lavanche, adaptau en castellano como avalancha dende lo francés avalanche). Los occitanismos y toponimos occitans terminaus en -anca son adaptaus en francés como -anque (calanque), y los terminaus en -ancha lochicament en -anche (amélanche).
Toponimos Son toponimos con este sufixo en Aragón y atras zonas d'Europa Occidental: Alesanco. Álvaro Galmés de Fuentes: Los topónimos: sus blasones y trofeos (la toponimia mítica), Madrid, Real Academia de la Historia, 2000, p 110, p 113. Caravanca. Caravancos. Coristanco. Loranca. Luanco. Malanca. Naranco. Sierra de la Pajaranca: sierra de los termins municipals de Lueixma y de Fuent Buena (provincia de Zaragoza). Pallaranca: localidat medieval navarra. Polanco. Pozanco. Cuevas de Provanco. Tablanca. Taranco. Trabanca. Tudanca. Vallanca. Vivanco.
Combinau con lo sufixo -ón: Arancón. Tarancón.
Combinau con lo sufixo -iello: Malanquiella.
Referencias
Bibliografía David A. Pharies: Diccionario Etimológico de Los Sufijos Españoles: Y de Otros Elementos Finales. Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. BLAS GABARDA, Fernando y ROMANOS HERNANDO, Fernando: Diccionario Aragonés: Chistabín-Castellano; Gara d'Edizions. Zaragoza, 2008.
Anco