O refuchio de la Rencllusa BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón. (u en aragonés estándard La Renclusa) ye un refuchio de montanya d'o Pireneu aragonés situau en a versant norte d'o macizo d'a Maladeta, o mas alto d'a ladera sud d'o Pireneu.
Administrativament ye situau en o termín municipal de Benás, comarca de Ribagorza, en a provincia de Huesca, Aragón.
Tien una capacidat de 93 plazas y ye o punto de salida mas común ta puyar a la tuca d'Aneto (3.404 m), o pico mas alto d'os Pireneus, lo que lo converte en un d'os refuchios mas importants d'a cordelera.
Ye situau a 2.140 metros sobre o livel d'a mar y se accede a traviés un sendero que sale de La Besurta, un aria recreativa a la que se puet acceder en autobús de linia, situada a poco mas de 1.900 metros d'altaria.
Descripción thumb|Refuchio de la Renclusa. O refuchio de la Renclusa ye chestionau por a Federación Aragonesa de Montanyismo (FAM), o Concello de Benás y o Centro Excursionista de Catalunya (CEC), y guardau por Antonio Lafon. En 1912 se construyió un chicot refuchio de montanya en o lugar que ocupa l'actual, enamplau y reformau cuantas vegadas. Actualment conta con os siguients servicios: 93 leitos. Mantas. Augua corrient. Escusaus aintro d'o refuchio. Tabierna y servicio de birollas. Servicio de guidas. Loguero de material. Telefono y sistema de telecomunicacions ta soscorro. Guardau tot l'anyo.
Se troba a os piez d'o macizo d'a Maladeta, y ye o nuclio habitau mas alto de dito macizo. Leva o nombre de La Renclusa porque ye baixo a tuca de la Pleta de la Renclusa, a vegadas abreviada como "tuca de la Renclusa", que s'alza dica os 2.679 metros d'altaria.
D'hivierno, a vegadas se cubre de tot por a nieu, y ye difícil distinguir-lo d'o paisache blanco, ya que os nevazos astí, a partir d'octubre y noviembre son normals, dica alto u baixo mayo. O periodo de cheladas va dende octubre a mesmo chunio, y toz os anyos se baixa de -15 grados, incluso plegando a -20, lo que lo fa un refuchio con clima d'alta montanya.
La Renclusa poseye estación meteorolochica propia, d'o rete NIMET de l'Achencia Estatal de Meteorolochía -AEMET-, a traviés d'a que se puet consultar, bosando, o parte diario de NIMET. Manimenos os datos son a vegadas irregulars, ya que, no toz os días as condicions d'accesibilidat son as óptimas, lo que fa que no bi haiga continuidat d'o 100% en os datos.
Se veiga tamién Refuchios d'o Pireneu aragonés
Referencias
Enlaces externos
Información d'o refuchio en a web d'a FAM Información d'o refuchio en todonieve.com Acceso a o refuchio de la Renclusa dende o Hespital de Benás Información de contacto La Renclusa de Benás Información sobre o refuchio de la Renclusa
Renclusa Renclusa Categoría:Edificios de Benás