La sierra de Molatiellas ye aliniación montanyosa de lo Sistema Iberico que fa part de la branca levantina y de la unidat morfoestructural dita "Serranías de Gúdar". José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
Ye situada a l'ueste de lo río Blanco seguindo una aliniación a lo sud de la loma d'Allepuz y a lo norte de la muela de Gúdar, la loma de Sarrejón y la sierra d'el Chaparral, situando-se tamién a lo nord-ueste de la sierra de Mont Negro. La superficie de la sierra de Molatiellas perteneixe a los termins municipals de Mont Agudo (Comunidat de Teruel), Allepuz (Mayestrato) y Gúdar (Gúdar-Chabalambre).
Las principals cimas son: cerro del Herrador (1.644 m) y San Cristóbal (1.622 m).
Toponimia L'oronimo Molatiellas se presenta actualment como Molatillas en Allepuz y Moratillas en Mont Agudo. Ye una forma derivada de "muela" con lo sufixo diminutivo -iella y con infixo -at-.
Hidrolochía La versant este desaugua enta lo río Blanco, la versant ueste lo fa enta lo río de Cedriellas (considerau dende 1955 primer tramo de lo río Millars), u lo enta río Seco, que complega con lo río Blanco pa formar lo río Alfambra.
Referencias
Bibliografía Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.
Molatiellas Molatiellas Molatiellas Molatiellas Molatiellas