Las penyas Albas (en castellano Peñas Albas) son un conchunto de cinco penyas principals y atras penyas menors situadas en la versant sud de la sierra de Moncayo (Sistema Iberico).
Adintro de la sierra de Moncayo las penyas Albas se troban en la unidat dita planas de Calcena, que corresponde a materials churasicos. Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33. Ye en bel meyo de lo termin municipal de Calcena y a lo sud de la plana de los Ascones, entre lo Raso y lo collau Somero. Desauguan enta lo barranco de val de Plata a lo norte y enta lo barranco de val de Madera a lo sud, tributarios de La Isuela con gran poder d'erosión remontant.
Las penyas Albas son feitas de brechas de dolomía y calsinera d'edat Hettanchiana (Churasico inferior), prou karstificadas. Instituto Geológico y Minero de España: Mapa Geológico de España E 1:50.000. Tabuenca. Servicio de publicaciones de Ministerio de Industria y Energía. 1980, p 13.
Toponimia L'oronimo penyas Albas ye transparent en mozarabe y en l'aragonés medieval preliteriario u anterior a la formación de la scripta medieval. En las luengas iberorromanicas se produció una substitución de l'adchectivo cualificativo cromatico d'orichen latín albo por l'adchectivo cualificativo d'orichen francico blanco cuan encomenzaba la Reconquiesta, Jairo Javier García Sánchez: Atlas toponímico de España. Editorial: Arco/Libros, S.L., 2007, p 81, pp 259-260. por lo que penyas Albas podría estar d'un periodo primerenco d'este proceso historico u anterior igual como Castralbo, Mont Albo, Mont Albán u Torralba.
Las penyas Altas estioron lo escenario d'una batalla en la Guerra de la Unión (1347-1348). Se'n fa mención en las "Cronicas de los Chueces de Teruel" en l'anyada chudicial 1348-1349:
Referencias
Bibliografía Instituto Geológico y Minero de España: Mapa Geológico de España E 1:50.000. Tabuenca. Servicio de publicaciones de Ministerio de Industria y Energía. 1983. Fernando López Rajadel: Cronicas de los Jueces de Teruel (1176-1532). Instituto de Estudios Turolenses, 1994. Francisco Pellicer Corellano: El Relieve del Moncayo. Diputación general de Aragón, 1987.
Se veiga tamién Penyas de Ferrera.
Penyas Albas Penyas Albas Penyas Albas Albas Categoría:Montanyas de l'Aranda