Lo cerro de Chabalambre ye una antecima de lo pico Chabalambre situada a 2002 m d'altaria entre esta cima y l'alto d'el Ventisquero. Lo cabalto de lo cerro de Chabalambre ye cuasi de tot en lo termin municipal de Camarena de la Sierra de fueras d'una part sud-este que ye en lo de La Puebla de Valverde, tamién una localidat de la provincia de Teruel y de la comarca de Gúdar-Chabalambre.
Toponimia L'oronimo cerro de Chabalambre ye transparent en aragonés y conserva lo significau orichinal de cerro en esta luenga, a diferencia d'atros oronimos teruelanos que presentan lo chenerico cerro en lo suyo sentiu castellano y substituindo a l'aragonés cabezo u pueyo.
Lo cheografo y astronomo João Batista Labanha a servicio de Felipe I d'Aragón nombró bella vegada un cerro de Xavalambre en lo suyo libro "Itinerario del Reyno de Aragón (1610-1611)". Lo libro ye escrito en portugués pero emplega en este caso la ortografía de lo castellano de lo Sieglo d'Oro pa nombrar l'oronimo. No ye guaire probable que se refiera precisament a l'antecima porque a vegadas son rechistros d'observacions feitas bien luent como pa distinguir entre la cima y l'antecima.
Referencias
Cerro de Chabalambre Cerro de Chabalambre Categoría:Montanyas de la Puebla de Valverde Categoría:Montanyas de Camarena de la Sierra Cerro de Chabalambre Categoría:Montanyas de Gúdar-Chabalambre