O refuchio d'os ibons de Vachimanya ye un refuchio situau a o sud de l'ibón Baixo Vachimanya a 2.200 m de altaria. Ye situau en un conchunto de circos glaciars, rodiau de gran cantidat d'ibons y grans cimas.
Administrativament se troba adintro d'o termin municipal de Pandicosa, en a comarca de l'Alto Galligo, en a provincia de Uesca, Aragón.
Ye un refuchio de montanya guardau tot l'anyo con 80 plazas en cambras con ducha y escusau. Dispone de augua corrient, duchas y lavabos, augua calient, servicio de tabierna y minchador, enfermería, taquillas, calcero de descanso y aula polivalent. Tamién ufre telefono y sistema de telecomunicacions de soscorro. A suya titularidat ye d'a Federación Aragonesa de Montanyismo y fue inaugurau o 14 de chulio de 2012. «Refugio de los Ibones de Bachimaña -- alberguesyrefugiosdearagon.com». Consulta: 31 agosto 2017. Refugio Ibones de Bachimaña. Gorgol.com «Diario Aragones :: Radio Ebro - Los ibones de Bachimaña estrenan refugio de montaña» (en en-us). Consulta: 31 agosto 2017.
Actividades Ye punto de partida ta muitos excursionistas, ta practicar o senderismo por o GR 11, travesías y puyadas a cimas de mas tres mil metros como o Garmo Blanco, a punda Alta de Pondiellos, a punda de ra Nevera, a punda de ra Faixa o Garmo Negro y as Argualas. D'hivierno se i pueden fer recorrius y puyadas con esquís de travesía. Se puet combinar a estada con o refuchio de montanya de Casa de Piedra, en o balneario de Pandicosa a 1.636 m. Ibones de Bachimaña
Se veiga tamién Refuchios d'o Pireneu aragonés
Referencias
Enlaces externos
Ibons de Vachimanya Categoría:Edificios de Pandicosa