O refuchio de Telera ye un refuchio situau en a val de Tena, a 1.545 m de altaria.
Administrativament se troba adintro d'o termin municipal de Biescas, en a localidat de Piedrafita de Tena, en a comarca de l'Alto Galligo, provincia de Uesca, Aragón.
Ye ubierto tot l'anyo y se i puet arribar con l'auto. O refuchio se troba en un edificio que ye propiedat d'o Concello de Piedrafita de Tena y que d'antis mas yera a escuela y dimpués a tabierna social d'o lugar. Tien cambras con duchas, augua calient y calefacción, tabierna y minchador.
Actividaz O refuchio se troba a os piez d'a penya Telera, por o que ufre un punto de partida ideyal ta puyar-ie. Atras excursions tipicas por a zona son l'ibón de Piedrafita u a selva d'o Vetato en verano. D'hivierno ye posible fer esquí nordico en as pistas d'a Partacua, asinas como esquí de travesía y marchas con raquetas de nieu.
Se veiga tamién Refuchios d'o Pireneu aragonés
Vinclos externos Pachina oficial d'o refuchio En www.alberguesyrefugios.com
Telera Categoría:Edificios de Biescas