Este articlo tracta sobre Las Rochas de la sierra d'Orich, nombradas como «sierra de la Rocha» por bel autor. Pa atros usos de lo toponimo «sierra de la Rocha» se veiga sierra de la Rocha (desambigación).
Las Rochas u la Rocha ye una cima de 1.383 metros d'altaria situada en la sierra d'Orich y en lo termin municipal de Loscos cerca de lo Collado de Per Esteban. En lo suyo cabalto bi ha un vértiz cheodesico.
Toponimia L'oronimo Las Rochas corresponde a toda la vertient sudoccidental de la sierra d'Orich, vertient caracterizada por unas garras de calsinera cretacia, ixemenando-se tamién lo nombre a un de los cabaltos de la sierra correspondient a l'altaria de 1.383 m.
La palabra rocha ye un mozarabismo que se documenta por toda la Peninsula Iberica pero especialment en Cuenca, provincia de Teruel y comarcas churras. María Dolores Gordón Peral: El mozárabe Rocha y sus derivados en la toponimia y las hablas vivas de la Península Ibérica. Publicau en Congrés Internacional de Toponímia i Onomàstica Catalanes (2001) pp. 511-519. S'ha quiesto interpretar como cognato de roza, substantivo postverbal de rozar, evolución de *RUPTIARE. Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp 167-168. Presenta significaus que van dende "penya", "cinglo" u "ralla" como material rocoso alto, aspro y de dificil acceso dica lo secundario de "costera" u "ladera" en Gúdar-Chabalambre y comarcas churras.
Referencias
Vinclos externos Fuella de lo vértiz cheodesico.
Rochas Rochas Categoría:Montanyas de Loscos Rochas Rochas Categoría:Loscos Categoría:Montanyas d'o Xiloca