thumb|right|250px|Un tren de Meya Distancia pasando por un viaducto en os arredols de Calatayú, en a linia 200 d'Adif. Una linia ferria ye una infraestructura de comunicacions determinada entre dos puntos cheograficos formada por una u mas d'una vía ferria, con as suyas estacions y apeaderos y os trachectos de plena vía, por aon que circulan os trens.
En Espanya, as linias ferrias consideradas d'intrés publico son mesas en o Rete Ferroviario d'Intrés Cheneral d'alcuerdo con a Lei d'o Sector Ferroviario. Ley 38/2015, de 29 de setiembre, del Sector Ferroviario en o BOE de 30/09/2015; consultada o 9 de marzo de 2019. Manimenos, tamién i ha linias privadas y atras que son de titularidat autonomica. As linias afectadas por o RFICh son administradas mayoritariament por Adif y por Adif AV.
S'ha de distinguir o concepto de linia ferria dende o punto d'envista d'infraestructura y o de linia comercial, como son as diferents linias de redolada u meya distancia, que pueden transitar d'una linia ferria ta una atra en o suyo recorriu sin que os viachers en tiengan concencia.
Una mesma linia ferroviaria puede tener trachectos de vía unica y atros de vía doble en qualsiquiera d'as suyas modalidatz, y puede estar electrificada totalment u parcial, u no tener garra electrificación. Os sistemas de seguridat tamién pueden variar con o trachecto. Os bloqueyos tamién pueden estar diferents d'un trachecto pa un atro, adintro d'una mesma linia.
Linias en Aragón
Linias de ferrocarril convencional
Linia 200 d'Adif: Madrit - Barcelona por Calatayú, Zaragoza, Monzón y Leida. Linia 210 d'Adif: Tarragona - Zaragoza por Reus, Móra d'Ebre y Caspe. Linia 204 d'Adif: Tardienta - Canfranc. Linia 610 d'Adif: Bifurcación Teruel - Sagunto por Teruel. Linia 700 d'Adif: Miranda de Ebro - Casetas por Castellón d'Ebro.
Linias d'alta velocidat
Linia 050 d'Adif: Alta Velocidat Madrit - Zaragoza - Barcelona - Muga francesa. Linia 070 d'Adif: Camal Zaragoza - Uesca.
Referencias
Se veiga tamién Vía ferria. Rete Ferroviario d'Intrés Cheneral.
Categoría:Infraestructuras de transporte Categoría:Transporte por ferrocarril