thumb|right|250px|A Ribera de Fiscal dende Berroy. A Ribera de Fiscal ye o nombre que se da a o sector central d'a valle de l'Ara dende aproximadament a boquera de lo río Forcos dica lo congosto de Baluport. Forma una subcomarca natural en Sobrarbe de la cual a cabecera ye o lugar de Fiscal, pero que historicament ha contau con atros nuclios con buena cosa de población como Chanovas, y atros mas chicos como Sant Felices, Albella, Arresa, Santa Olaria, etc.
A Ribera de Fiscal se troba de tot adentro d'o termin municipal de Fiscal, moderno, y coincide alto u baixo con o que dende o sieglo XIX heba estau os termins historico de Fiscal y d'Albella y Chanovas. O termino historico de Burgasé (valle de la Solana) no fa parte d'a ribera de l'Ara propiament dita.
A valle de la Solana ye una valle lateral muit relacionada, que se desaugua en l'Ara a traviés d'es dos barrancos que se'n diz «Guargas»: a Guarga de Caixol y a Guarga de Burgasé. Anque en bellas guías y publicacions han amaneixiu como termins intercambeables, no en son pas, y a Ribera de Fiscal se refiere estrictament a la valle principal recorrida por o río Ara.
Cheografía thumb|right|250px|O río Ara ye l'arteria que recorre a Ribera de Fiscal de punda ta cabo. A Ribera la delimitan as garras d'a punta de Berroy por l'ueste y a valle d'o barranco de Sant Salvador tot contino. A sierra de Canciás debuixa toda una crencha por en sud y va dica achuntar-se con a sierra de Gabardón.
A punta de la Ferrera, por alto de Chanovas, se'n va ta meter-le una inclusa por o sud zarrando-se contra l'Ara por debaixo d'ixe lugar. As estribacions d'o tozal Pecuto, que como garras portentosas baixan dende a sierra de Nabaín, le zarran contra l'Ara por a ripa norte. Entre as dos formacions forman o congosto de Chanovas u de Baluport, que ye la salida que le queda a l'Ara pa marchar d'a Ribera.
Por o costau norte, as versants d'as diferents estribacions y sarratos que se despinchan dende a sierra de la Corona deseparan a Ribera de Fiscal contra la valle de la Solana, anque bel lugarichón (Muro de Solana) s'aposenta alto en a corona d'un cerro y no ha quiesto renunciar a tener envistas sobre as dos valles.
Lugars
Os lugars que son cerca d'o río Ara y por ixo fan parte de la dita Ribera son: Fiscal. Lardiés. Borrastre. Arresa. Santa Olaria d'Ara. Ligüerre d'Ara. Chabierre d'Ara Sant Felices d'Ara. Sant Chuste. Planiello. Albella. Chanovas. La Cort. La Velilla.
Existe uns atros que son situaus en as alturas, y por ixo bellas vegadas se les incluye y atras vegadas no. Ixos son: Berroy. Muro de Solana.
Se veiga tamién
Barranco de Sant Salvador (Fiscal). Berroy. Punta de Berroy. Sierra d'a Corona. Sierra de Canciás. Sierra de Gabardón. Sierra de Sant Martín d'a Solana.
Categoría:Cheografía de Sobrarbe Ribera de Fiscal