Mariano Coronas Cabrero (A Buerda (Sobrarbe), chulio de 1954 Mariano Coronas, consultada o 17 de marzo de 2019.) ye un mayestro d'educación primaria chubilau, Cazarabet conversa con... Mariano Coronas, consultada o 17 de marzo de 2019. pedagogo, bibliotecario, escritor y editor aragonés que edita dende 1980 a revista trimestral El Gurrión, con mas de 170 numeros publicaus dica l'inte.
Biografía
Comenzó a treballar de mayestro de primaria en 1974 en a escuela de Boltanya. Algunos apuntes sobre el currículo; consultada o 17 de marzo de 2019. A l'anyo siguient se'n fue ta l'Aínsa, pero le pilló o servicio militar. Cuan en tornó, s'incorporó de mayestro interino en a escuela de Tamarite. En 1977 marcha por treslau ta Canovelles (provincia de Barcelona) aon exercerá de mayestro en os siguients cuatro cursos. En setiembre de 1981 dentra en a escuela publica Miguel Servet de Fraga pa comenzar o curso, y ye en ixe colechio an que ha treballau dica que se i chubiló en verano de 2014.
Persona inquieta y docente vocacional, fizo parte en o Movimiento de Renovación Pedagochica «Aula Libre», en o cual yera o coordinador de publicacions. Tamién ha estau miembro d'a chunta directiva d'o Centro d'Estudios de Sobrarbe (CES) dende que se fundó en 1994 dica 2016.
As bibliotecas
Mariano Coronas participó en que se metese a funcionar a biblioteca escolar d'o Miguel Servet de Fraga, en o curso 1987-88, y tamién ha estau encargau y curador principal d'a biblioteca municipal d'a Buerda dende que se metió en servicio. Ha estau coordinador de cursos a distancia sobre bibliotecas escolars y ha espublicau sobre iste tema pa otros formadors.
Gran enamorau d'os libros, d'os que diz que le sedución dende chicorrón, siempre ha mirau de compartir y divulgar l'amor por a lectura y a escritura entre os suyos alumnos y personas cercanas.
El Gurrión
Mariano Coronas ye l'artífiz de a revista cultural El Gurrión, que se fundó en 1980 y s'ha feto sin falta dende alavez por cada trimestre. A revista ye cultural y etnolochica, y anque en primeras se feba pa la localidat de a Buerda, con os anyos tiene suscriptors d'un ambito que va mas t'allá que lo comarcal. S'edita a traviés de l'Asociación Cultural "El Gurrión".
En l'anyo 2008 a revista recibió o premio Félix de Azara www.elgurrion.com; consultau o 17 de marzo de 2019. de a Diputación Provincial de Uesca, en a modalidat de Medios de comunicación social.
En o mes de noviembre de 2020, El Gurrión plegó ta o lumero 161, justo cuan feba 40 anyadas d'o suyo nacimiento. “40 años soltando gurriones” (1980-2020)
En o mes d'agosto de 2025, El Gurrión plegó ta o lumero 180. A hemeroteca d'a revista cuenta con 6.848 pachinas.
En o mes de chunio de 2025, en a frontera lateral d'a casa (casa Falceto) a on i naxió Mariano Coronas Cabrero, se ponió una placa en nombrando a la carrera como "carrera El Gurrión".
Premios
2001: Premio «FLA-Cultural», en a Feria d'o Libro Aragonés de Monzón por o treballo feto con El Gurrión. 2001: En as fiestas del Pilar de Fraga, fizo de Mantenedor d'a ceremonia de proclamación de fragatinas, con o discurso: "El río, la vida y la fiesta". 2004: Mención Honorifica en os Premios Nacionales de Innovación Educativa, compartida con o equipo d'o Seminario Biblioteca y Literatura Infantil. 2005: Cruz de José de Calasanz a o merito educativo, por o Gubierno d'Aragón. 2006: Cinquena posición en o certamen Altoaragoneses del Año 2005, sección cultura, que nombra o Diario del Alto Aragón, por a candidatura de l'Asociación Cultural "El Gurrión". 2006: Primer Premio Nacional de Buenas Practicas para la Dinamización e Innovación de Bibliotecas Escolares, a la biblioteca escolar del CEIP MIguel Servet de Fraga. 2008: Primer premio "Félix de Azara", sección Medios de Comunicación Social, por a revista El Gurrión. 2012: Primer premio "Félix de Azara", sección escolar, a la biblioteca escolar d'o CEIP Miguel Servet de Fraga. 2023: 24 de noviembre. Se fa un acto en o Colegio Público "Miguel Servet" de Fraga ta reinaugurar a Biblioteca escolar. Dende ixe diya, pasa a clamar-se: "Biblioteca Escolar. Mariano Coronas Cabrero".
Referencias
Vinclos externos La cadiera de Macoca, web feita por Mariano Coronas. Gurrión.blogia.com, blog personal de Mariano Coronas. Replegada de cinquanta anyos de articlos relacionaus con a biblioteca escolar escritos por Mariano Coronas.
Categoría:Mayestros d'Aragón Categoría:Escritors d'Aragón Categoría:Pedagogos d'Aragón Categoría:1954 (naixencias) Categoría:Naixius d'a Buerda Categoría:Miembros d'o Centro d'Estudios de Sobrarbe Categoría:Premios Félix de Azara