300px|thumb|Cornelio Zorrilla en a Casa d'a Villa de Bielsa Un muyén BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. en as vals de Chistau y Bielsa, u muyenco ye un monyaco de forma humana feto de trapo u palla y vestiu con ropa de persona que ye tipico de bellas fiestas populars de l'Alto Aragón, como os carnavals y as moixigangas. O muyén representa un personache, de regular forano, que viene ta la villa y encarna la borina y a diversión entre que dura ixa festividat, pa plegar estando trobau culpable d'os excesos de toz y aplicando-le-ne bel tipo de chusticia publica en rematar a fiesta.
De regular, o muyén tiene un papel principal en a fiesta y marcha de puntero con o seguicio si se fa ronda de Carnaval, por eixemplo (caso de Chistau, a Fueva u Nerín). Pa fer-lo, va ligau contra un palo y s'amonta en un somero (en Sant Chuan de Plan o burro que s'emplega se diz «el Burricau» Carnavales del Valle de Chistau, consultada o 27 de marzo de 2019.). En o carnaval d'a Fueva, que ye intinerant y se fa con os autos, o muyén va ligau contra un vehiclo (en a parte de dezaga u en o techo), y circula ubrindo o seguicio cuan a ronda se treslada d'un lugar ta l'atro.
No en toz os casos ixe papel o fa un monyaco. Por eixemplo, en o carnaval de Torla, o «carnaval» ye interpretau por un mozo d'a villa de principio ta la fin d'a fiesta. En a moixiganga de Graus, «el Furtaperas» El carnaval en Aragón. Colección CAI 100, n° 80. l'interpreta tamién un mozo mientres ye la ronda, pero cuan ye pinchau en a frontera d'a Casa la Villa ye un muyén.
Chudicio y muerte thumb|240px|Muyén cremau en a "Fiesta del Judas" de Trespaderne. A muerte d'un muyén ye la zaguer fase d'a fiesta. En bels casos i hai bella respresentación de chudicio publico u a lectura d'un veredicto y alavez se pasa a la execución. En uns puestos se lo crema u se l'afusila, en atros se pende d'un puesto publico, como ye a frontera d'a Casa d'a Villa en Bielsa. Tot esto simboliza la redención colectiva y a tornada de l'orden social: o Carnaval ye muerto.
Eixemplos O «Carnuz» en o carnaval de Nerín. Carnaval de Nerín, consultau o 27 de marzo de 2019. «Cornelio Zorrilla» en o carnaval de Bielsa. Carnaval de Bielsa, consultada o 27 de marzo de 2019. «El Peirot» en o carnaval de Sant Chuan de Plan. «El Carnal» en Chistén. «El Furtaperas» en a fiesta de la moixiganga de Graus. «O Carnaval» en o carnaval de Torla y o de Broto, a on que los interpreta una persona.
Referencias
Se veiga tamién Estafermo. Espantallo. Monya. Monyaco.
Categoría:Figuras antropomorficas Categoría:Carnaval en Aragón