Val de Taus ye un pueyo de 271 metros d'altaria y chacimiento arqueolochico a on se troban los restos d'una ciudat prerromana. Situau en a depresión d'Ebro, se troba a 3 km d'a localidat de Taust, en a provincia de Zaragoza, en a marguin d'a val de Taust, una val con fondón plan que va dende a debantdita villa dica Pradiella d'Ebro. Presenta una superficie de 1,76 hectarias.
Bi ha dos fases principals en a ocupación d'o chacimiento. A primera corresponde a la segunda Edat de Fierro, entre os anyos 500 aC y 50 aC (con una cultura material de tipo iberico), y a segunda a una población que teneba contacto con a cultura romana.
Toponimia Ye un chacimiento con nombre en aragonés porque s'ha nombrau a partir d'un microtoponimo aragonés, testimonio de que l'aragonés estió una luenga viva en Taust dica fa pocos sieglos. No en ye o solo caso, bi n'ha muitos como El Castelillo d'Alloza u La Cabanyeta en Lo Burgo d'Ebro.
O toponimo puet apareixer tanto en a suya forma aglutinada, Valdetaus, como deseparau, Val de Taus. . Toponimia de la villa de Tauste. Marcelino Cortés Valenciano. Asociación Cultural “El Patiaz”.
Astí se troba un important chacimiento arqueolochico prerromano situau a cuatre kilometros a o sud de Taust. Val de Taus fa referencia a que se tracta d'a val que leva enta Taust, conservandose a forma d'o toponimo Taus que yera habitual dica a Edat Moderna.
Referencias
Vinclos externos Fuella d'o vértiz cheodesico.
Categoría:Montanyas d'a provincia de Zaragoza Categoría:Montanyas d'a depresión d'Ebro Categoría:Montanyas de Taust Categoría:Vertices cheodesicos d'Aragón Categoría:Chacimientos celtibers d'Aragón Categoría:Montanyas de Cinco Villas