A Seu de Notre-Dame (en francés Seu d'a nuestra Sinyora) ye una seu y basilica de culto catolico, siede de l'archidiocesi de París, a capital de Francia. Adedicada a María, mai de Chesucristo, se sitúa en a chicota isla de la Cité, rodiada por as auguas d'o río Sena. Ye un d'os molimentos mas populars d'a capital francesa.
Se tracta un d'os edificios mas importants y antigos de cuantos se construyioron en estilo gotico. L'uso innovador d'a voveda de crucería y de l'arbotant, os granizos y colorius rosetons y o naturalismo y l'abundancia de decoración escultorica lo diferencian de l'arquitectura romanica.
A suya edificación prencipió en l'anyo 1163 y, arredol de 1260, ya yera completada en a suya mayor parte, encara que se remató en l'anyo 1345 y se modificó de traza frecuent a lo largo d'os sieglos siguients. Entre o decenio de 1790, dimpués d'a Revolución francesa, Notre-Dame sufrió a profanación de parte d'a suya imachinería relichiosa, que quedó danyada u destruyida. A publicación de A Nuestra Sinyora de París por Victor Hugo, manimenos, reavivó l'intrés popular por ella. Eugène Viollet-le-Duc encabezó un prochecto de restauración que prencipió en 1845 y se prolongó entre un cuarto de sieglo. Igualment, en 1963 se procedió a limpiar de follín a frontera y se recuperó a suya color orichinal. Entre 1991 y 2000 se levó a cabo una nueva campanya de limpieza y restauración.
O 15 d'abril de 2019, l'edificio sufrió danyos significativos a causa d'un incendio que podió deber-se a un descuido entre las obras de limpieza y mantenimiento que se yeran efectuando, pero esta suposición quedó sucheta a una larga investigación que no trobó una causa concreta; o teito s'espaldó por completo, l'agulla prencipal cayió y os rosetons quedoron danyaus. Dende alavez se facioron grans esfuerzos per recaudar los diners pa la suya reconstrucción que ha durau cinco anyos, a suya reobridura d'a seuse fació lo sabado 7 d'aviento de 2024.
Gallería d'imáchens
Bibliografía Pascal Tonazzi, Florilège de Nôtre Da-me de Paris (anthologie), Editions Arléa, París, 2007, . VV. AA.: O gotico: arquitectura, escultura, pintura. Editorial H.F. ULLMANN, 2004, ISBN 9783833111693.
Vinclos externos
Notre-Dame de París * Categoría:Ilesias de Francia adedicadas a santa María Categoría:París