A Universidat Laboral de Uesca ye un edificio ubicau en o municipio de Uesca, en Aragón. Fundada en 1967 y fruito d'un prochecto de José López Zanón y Luis Laorga, estió una d'as antigas universidaz laborals d'o Estau Espanyol.
Historia L'antiga Universidat Laboral de Uesca, obra d'os arquitectos Luis Laorga Más de 600 exalumnos de toda España se reencuentran en el 50º aniversario de la Universidad Laboral de Huesca. Heraldo de Aragón. 26 de mayo de 2018 y José López Zanón, fue inaugurada en 1967 y suposó un ambicioso prochecto docent endrezau a alumnos de toda a provincia. Situau en una ampla parcela a bels cuatre kilometros a o sud d'a ciudat de Uesca, l'edificio se prochectó seguntes modernos criterios d'organización espacial. Orden de 21 de febrero de 2008, del Departamento de Educación, Cultura y Deporte, por la que se declara la antigua Universidad Laboral de Huesca como Bien Catalogado del Patrimonio Cultural Aragonés. Boletín Oficial de Aragón. 7 d'abril de 2008. Num. 40. Pach. 4548-4549
L'edificio presenta un esquema modulau formau por tres cuerpos bien diferenciaus. En primer puesto, o cuerpo prencipal que contiene o programa docent con un esquema reticular que alterna os espacios construyius con os vuedos d'os patios y se desembolica en una extensa planta baixa. En segundo puesto, o volumen piramidal que preside l'acceso y contiene o salón d'actos. Dita pirámide se converte en una fita visual perceptible dende a leixanía y en o prencipal contrapunto d'a horizontalidat de l'edificio. Finalment, y zarrando a estructura de trama por l'ueste, o bloque linial de cuatro alturas que ocupa a residencia d'internos.
O conchunto se prochecta como un edificio zarrau en él mesmo, creyando fronteras muit ciegas y ubrindo-se nomás en a portalada d'acceso. O hermetismo exterior contrasta con un interior fluyiu y luminoso. O programa se distribuye en planta de forma agrupada, seguindo as premisas de funcionalidat y flexibilidat. A construcción de l'edificio se basa en modernos criterios de prefabricación y industrialización y a estandardización d'os elementos constructivos permite una notable economía en coste y plazo d'execución. Se tracta un edificio funcional y luminoso, pionero en Uesca en adoptar os criterios actualizaus d'una arquitectura docent aluenyada d'os parametros clasicos.
O 21 de febrero de 2008 aconsiguió o estatus de Bien Catalogado d'o Patrimonio Cultural Aragonés, por meyo d'una orden publicada o 7 d'abril d'ixe mesmo anyo en o Boletín Oficial de Aragón.
Referencias
Iste articlo ye una obra derivada d'a disposición relativa a o proceso de declaración u incoación d'un bien cultural u natural publicada en o BOA n.º 40 o 7 d'abril de 2008 (texto), texto que ye libre de restriccions conoixidas en virtut d'o dreito d'autor de conformidat con o dispuesto en l'articlo 13 d'a Lei de Propiedat Intelectual espanyola.
Vinclos externos Universidad Laboral de Huesca en a base de datos d'a Fundación Docomomo Ibérico Universidad Laboral de Huesca en o Sistema de Información del Patrimonio Cultural Aragonés (SIPCA).
Uesca Categoría:Educación en Aragón