O castiello de Cingla ye un castiello situau en a localidat teruelana de Cingla, en o Xiloca.
En l'actualidat ye en ruinas y nomás en queda que una torre que se fa servir como campanal d'a ilesia parroquial. Manimenos seguntes Florentín Andrés y Valero, d'antis mas teneba una muralla de planta rectangular, sobre la que destacaban un edificio tamién rectangular con un torretón igual que l'actual torre campanal y un alchub, asinas como una galería subterrania que lo comunicaba con o lugar.
Historia O castiello fue construyiu por Alifonso I d'Aragón, qui lo entregó como propiedat a o monesterio de Sant Chuan d'a Penya y dimpués a o monesterio de Mont Aragón. Chunto a o castiello s'ha trobau ceramica ibera, lo que confirma que ya bi heba una población d'ixa epoca en iste mesmo puesto. En l'anyo 1338 fue esviellau por o rei Pero IV d'Aragón.
Entre os feitos historicos mas destacaus cal sinyalar que o castiello fue vesitau por o rei Ferrando VII d'Espanya o 13 d'abril de 1814. Os zaguers repuis d'o castiello s'estricalloron mientres as Guerras Carlistas.
Cheodesia Bi ha un vértiz cheodesico situau en o castiello a una altaria de 1.057 metros dende o livel d'a mar Fuella d'o vértiz cheodesico.
Referencias
Vinclos externos En descubrejiloca.es. En Castillos de España. En Castillos.net.
Cingla Cingla Categoría:Molimentos de Cingla (Teruel) Categoría:Vertices cheodesicos d'Aragón