A chudería de Magallón estió l'antigo barrio chudieu d'a villa de Magallón.
Descripción Se trobaba entre as actuals carreras de Joaquín Liso, San Miguel, Belén Zuloaga y a carrera d'o Castiello.’’La villa de Magallón, siglos XII-XX’’, Institución “Fernando el Catolico”, 2017, p. 85 Yera situada baixo a ilesia de Sant Lorient, asentada en o cobalto de la Molilla, sobre as restas de l'antigo castiello, simbolo d'o poder en a Edat Meya.
Bi ha una sentencia arbitral de l'anyo 1415 entre os churaus y os adelantaus Alçach Gallach y Abraham Muniech en representación respectivament d'o concello y l'alchama que describe as mugas d'a chudería seguntes un informe comendau a l'alcaide Miguel Vallori por a reina Violant:
Historia alt=Antiga sinoga de Magallón|miniaturadeimagen|left|Antiga sinoga de Magallón Os chudieus, encara que en radito numero, puede que haigan viviu en Magallón dende a epoca romana. Manimenos en a baixa Edat Meya los reis cristianos favoreixioron o suyo asentamiento. Asinas en o sieglo XV a comunidat chudieva constituyiba un 10% d'a población magallonera y pagaba una peita de con 200 sueldos anyals a lo rei.
A sinoga, edificio d'una sola nau y teito a doble versant que teneba annexo un hespital, fue reparada en l'anyo 1434. Bi heba tamién en l'alchama un banyo publico. O suyo centro politico y relichioso s'ubicaba probablement en l'actual carrera Cabezo.
En 1492 se decretó la expulsión de toz os chudieus y estioron mandaus a l'exilio enta Tudela u embarcaus en Tortosa. Asinas, familias con apellius como los Majo, os Atortox, os Caruch, os Arueti, os Levi u los Belmoder habioron de vender as suyas posesions a los cristianos y abandonar os suyos fogars.
O 11 de chulio de 1492 a sinoga estió vendida per l'alchama a Miguel Coll, escudero, per 650 sueldos.Revista Turiaso V, Centro de Estudios Turiasonenses, 1984, p.116 Encara en 1493 beluns d'os chudieus que heban optau por o suyo exilio en Navarra obtenioron un salvoconducto pa baixar por l'Ebro dende Mallén dica a Mediterrania.
Referencias
Bibliografía Guía de las juderías de Aragón. Un apasionante recorrido por el Aragón judío. Miguel Ángel Motis Dolader. Guías Turísticas Prames.
Vinclos externos
Categoría:Barrios de Magallón Magallón Categoría:Historia de Magallón