José María Enguita Utrilla (Santa María de Huerta (Soria), 1950 - Zaragoza, 14 de chinero de 2025) Mariano García: Muere el filólogo aragonés José María Enguita, en Heraldo de Aragón, 14 de chinero de 2025. estió un filologo, profesor universitario, catedratico de luenga espanyola en a Universidat de Zaragoza Ficha de personal en a web d'a Universidat de Zaragoza. Consultada o 3 de mayo de 2019. y director de l'Archivo de Filología Aragonesa Publicaciones en a web d'a Institución «Fernando el Católico», consultada o 3 de mayo de 2019. en a Institución «Fernando el Católico».
Succesor de Tomás Buesa en a catedra de luenga espanyola, ha continau as linias d'estudio d'aquel sobre o espanyol d'America Latina y sobre dialectolochía aragonesa.
Murió lo 14 de chinero de 2025 a resultas d'un accident vascular cerebral.
Formación Estudió Filolochía Romanica en a Facultat de Filosofía y Letras d'a Universidat de Zaragoza dende 1969 dica 1973. Se doctoró en a mesma universidat con a tesi doctoral La influencia americana en el léxico de la "Historia general y natural de las Indias", de Gonzalo Fernández de Oviedo en 1980, con Premio Extraordinario de Doctorau.
Docencia Como docent, l'amostranza l'ha feito mas que mas sobre luenga espanyola y as relacions lingüisticas entre America y a Peninsula Iberica, sobre a historia d'a luenga espanyola y sobre dialectolochía hispanica. A dintro d'esta zaguera, ha tocau bellas veces a Filolochía aragonesa.
Atras aportacions En colaboración con María Antonia Martín Zorraquino ye autor de Las lenguas de Aragón (Zaragoza, 2000), una obra que s'ha tomau de referencia posteriorment. Ye coautor de bels articlos sobre aragonés y o proceso de castellanización d'Aragón, María Luisa Arnal Purroy en a web d'a Universidat de Zaragoza. Consultada o 2 de mayo de 2019. escritos con Mª Luisa Arnal en os primers anyos 1990, cuan esta tematica encara no teneba guaire cobertura dende una optica academica.
Dende 1985 dica 2006 estió lo secretario d'a sección de filolochía d'a Institución «Fernando el Católico». y secretario de l'Archivo de Filología Aragonesa, que edita ixa entidat. Dende 2007 ye o director de l'AFA.
Referencias
Se veiga tamién Universidat de Zaragoza. Departamento de Lingüistica Cheneral y Hispanica d'a Universidat de Zaragoza. Tomás Buesa Oliver. María Antonia Martín Zorraquino. María Luisa Arnal Purroy.
Categoría:Alumnos d'a Universidat de Zaragoza Categoría:Catedraticos d'a Universidat de Zaragoza Categoría:Catedraticos d'Aragón Categoría:Catedraticos de Castiella y Leyón Categoría:Institución Fernando el Católico Categoría:Licenciaus en Filosofía y Letras Categoría:Muertos en Zaragoza Categoría:Muertos por accident vascular cerebral Categoría:Naixius de Santa María de Huerta Categoría:Filologos d'Aragón Categoría:Filologos de Castiella y Leyón Categoría:Profesors d'a Universidat de Zaragoza Categoría:Profesors universitarios d'Aragón Categoría:Profesors universitarios de Castiella y Leyón Categoría:1950 (naixencias) Categoría:2025 (muertes)