José Pardo Asso (Santa Cilia, Chacetania, 17 d'agosto de 1880 Dentrada Pardo Asso, José en a Gran Enciclopedia Aragonesa; consultada o 7 de mayo de 2019. - Samianigo, 28 d'agosto de 1957 Articlo «Mosén José Pardo Asso» en a revista Serrablo; publicau l'1 d'aviento de 1996. Consultau o 7 de mayo de 2019) fue un rector, mayestro y lexicografo aragonés, autor entre atras obras d'o Nuevo diccionario etimológico aragonés Información sobre a biografía de José Pardo Asso publicada por Rolde de Estudios Aragoneses. Consultada o 7 de mayo de 2019. de 1938 que lieva o suyo nombre.
Biografía
José Pardo Asso naixó en una casa de labrador en Santa Cilia, en o Campo de Chaca (actual comarca d'a Chacetania). Estudió en o Seminario Diocesano de Chaca y fue investiu sacerdot, recibindo de primer destino a parroquia de Yesero. Dimpués pasaría por rechir diferents parroquias, siempre en o seno d'a Diocesi chaquesa y a de Uesca, como Chasa, Santa Cruz d'as Serors, Santolaria de Galligo y Larrés. Finalment, exerciría o sacerdocio por os mas anyos en Samianigo.
En 1931, con l'advenimiento d'a II Republica espanyola, mosén Pardo pierde a suya asignación como rector de parroquia y se'n baixa ta Zaragoza, aon que estableixe una academia y residencia d'estudiants pa preparar a os chóvens pa que pasasen o Bachillerato y l'acceso a la Universidat.
Amo d'una personalidat amable, estudioso y de vivo inchenio, refusó de plano a creixent intolerancia d'os suyos tiempos; mosén Pardo pasaba por alto d'as ideolochías, y mesmo fizo amistanza con uns que con atros. Fue amigo personal de l'anarquista Mariano Ascaso, de o profesor Ramón Menéndez Pidal, de o chesuita y arabista Miguel Asín Palacios y de Miguel Allué Salvador, president d'a Diputación Provincial de Zaragoza por ixas envueltas, gracias a qui se publicaría buena cosa d'a suya obra.
En 1942, pasada la Guerra Civil, fue deteniu y encarcelau por as autoridaz franquistas por haber amagau a o chermano d'un amigo a qui a policía buscaba. Pasó dos meses en o campo de concentración de Sant Chuan de Mozarrifar.
Morió en Samianigo o 28 d'agosto de 1957, con 77 anyos, victima d'un cáncer de pulmón.
Obras 1938: Nuevo diccionario etimológico aragonés. 1940: Ortografía sin Reglas.
Referencias
Se veiga tamién Gerónimo Borao. Mariano Peralta. Benito Coll y Altabás. Rafael Andolz.
Categoría:Escritors d'Aragón Categoría:Escritors en castellano Categoría:Etnologos d'Aragón Categoría:Lexicografos d'Aragón Categoría:Muertos en Samianigo Categoría:Naixius de Santa Cilia Categoría:1880 (naixencias) Categoría:1957 (muertes)