A muralla romana de Zaragoza fue construyida mientres la epoca romana pa protecher la colonia romana de Caesaraugusta, en l'actualidat Zaragoza.
Descripción A muralla recorreba las actuals Avenida de César Augusto, El Coso y o Paseyo d'Echegaray y Caballero. Teneba orichinalment 3000 metros de longaria, 10 metros d'altaria y 4 metros d'amplaria. I heba 120 torretons defensivos y cuatro puertas orientadas a los puntos cardinals: a puerta de Toledo (ueste), a Puerta de l'Ánchel (norte), a puerta de Valencia (este) y la puerta Cinecha (sud). Yera feita con fornigón romano (en latín opus caementicium) revestiu de piedras d'alibastro y caliza.
Historia En a fundación d'a colonia Caesaraugusta se realizó lo rito fundacional de mugar o recinto sagrau d'a ciudat. Estió trazada sobre lo perimetro d'a ciudat que estió trazau en a ceremonia relichiosa de fundación d'a ciudat con un mosén guiando una chunta de bueis con un aladro de bronce. Historia de Zaragoza. I. Edades antigua y media, Concello de Zaragoza, 1976, , p. 32 As puertas d'a muralla de Zaragoza yeran orientadas de tal traza que en una lo sol se devantaba lo día d'o solsticio d'estiu mientres que en a opuesta se meteba lo mesmo día. En a puerta d'o sud se devantaba lo sol lo día d'o solsticio d'hibierno mientres que en a opuesta a ista se meteba lo sol lo mesmo día. Historia de Zaragoza. I. Edades antigua y media, Concello de Zaragoza, 1976, , p. 128 Posteriorment una empalizada de fusta (en latín vallum) estió devantada dica que en o sieglo I estió construyida la muralla de piedra. Posteriorment estió reformada en o sieglo III. A muralla estió dimpués reaproveitada per Visigodos y musulmans. En 827 parti d'a muralla estió destruyida per un creixita d'o río Ebro. Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.239 En 937, dimpués d'a capitulación de Saraqusta debant de Abd-ar-Rahman III, la muralla ye reducida en altaria como mida de castigo. Entre 1358 y 1364 estió reparada de par d'a guerra d'os dos Peros con un desempocho de 100.000 sueldos chaqueses. Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.248 A partir d'o sieglo XV ya no yera necesaria asinas que china chana s'estió esparando y las suyas piedras usadas en palacios. En 1900 una parti d'a muralla estió espaldada con dinamita pa construyir o Mercato Central de Zaragoza. En 1933 estió declarada Molimento Nacional.
Liendas Entre las anyadas d'ocupación arabe, a muralla romana estió obchecto de diferents lechendas. Asinas, per eixemplo: una lechenda arabe deciba que la muralla yera feita de marbre reforzau interiorment per plumo y que refulchiba de tal traza que Saraqusta yera clamada al-Madinat al-Bayda (en aragonés "a ciudat blanca"). unatra lechenda deciba que la muralla de piedra teneba propiedaz machicas y per ixo, ni sierpes ni arraclans podeban dentrar vivos en Saraqusta. Amás, as birollas alzadas dentro d'o recinto amurallau no se corrompeban nunca. Mario Lafuente Gómez Las murallas de Zaragoza en la Edad Media, Recintos amurallados: VII Jornadas de Castellología Aragonesa, 2016, p.242
Restas Se conservan dos trampos d'a muralla: un trampo de bels 80 metros amán d'o Torretón d'a Zuda. un trampo integrau en o Convento d'o Santo Sepulcro. un trampo de 4,75 metros en o suterrano d'o Coso n°147, descubierto en 2017 per Úrsula Heredia. https://www.heraldo.es/noticias/aragon/zaragoza/2017/07/13/hallan-los-restos-torreon-romano-entre-una-tienda-bar-zaragoza-1186749-2261126.html
Referencias
Categoría:Biens d'Intrés Cultural d'a Comarca Central Categoría:Zaragoza romana