Este articlo ye sobre una sierra de Teruel, pa atros usos de sierra de Segura se veiga Segura (desambigación).
La sierra de Segura ye una prolongación sudoriental de la sierra de Pelarda situada a lo sud-ueste de la muela d'Anadón, de que ye despartida por lo tramo inicial de lo río Aguas. María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984. pp 26-26. Adintro de lo Sistema Iberico se situa en la unidat morfoestructural de la unidat de la depresión de Calatayú y Mont Albán, José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. . pp. 158-159, pp. 165-167. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 32, p 77, p 96-100. pero en contacto con las Serranías de Cucalón-Mont Albán, ya en la part nordoriental de lo termin municipal de Segura de los Banyos.
Altarias La principal altaria ye La Ería (1.407 m), seguida d'atras como El Sabucar (1.336 m), La Lobera (1.271 m), El Cerro (1.264 m) y La Talaya (1.202 m).
Adintro de la sierra de Segura se puede distinguir sarraus como la sierra d'el Cerro y la sierra Pedregosa.
Toponimia L'oronimo sierra de Segura fa referencia a la localidat de Segura de los Banyos igual como lo río Segura.
Ignacio Jordán Claudio de Asso y del Río fizo mención d'esta sierra chunto con la sierra de Mont Albán en lo suyo libro Historia de la Economía Política de Aragón (1798), Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010. denominación que tamién emplegó bel autor de lo sieglo XIX.
Tamién ye posible que este autor considerás lo río Segura como lo tramo inicial de lo río Martín.
Bel autor posterior nombra la sierra de Segura u sierra Segura como territorios montanyosos a l'ueste de la muela d'Anadón situaus en lo que se conoixe como sierra de Cucalón, sobre tot la sierra de Pelarda.
En 1839 l"Anuario estadístico de España" explicaba que la sierra de Segura ye a lo norte de la sierra de Sant Chust y que lo río Martín naixe entre ellas, pero tamién que la sierra de Segura se prolongan a lo nord-ueste por las altarias de Collado de Per Esteban y la sierra de Cucalón. Anuario estadístico de España. Editor: Instituto Nacional de Estadistica, 1839. p 56.
Juan Villanova y Piera en 1863 se referiba con sierra de Segura a una sierra que desauguaba enta lo río de Barrachina, Juan Villanova y Piera: Ensayo de descripción geognóstica de la provincia de Teruel: en sus relaciones con la agricultura de la misma. Editor: Imprenta Nacional, 1863. p 178, p 184. con una cuenca hidrografica entre las sierras de Pelarda, de la Costera y Lidón. Este autor especificaba que la sierra de Segura acaba en Olalia, lo que indica que consideraba las altarias de sierra de Pelarda como part de la sierra de Segura.
En 1912 s'explicaba en "Reseña geográfica y estadística de España publicada por la Dirección general del Instituto geográfico y estadístico" que La Uerba naixe lo parache de Las Cañadillas, en las versants occidentals de la sierra de Segura. Instituto Geográfico, Catastral y de Estadística: Reseña geográfica y estadística de España publicada por la Dirección general del Instituto geográfico y estadístico. Editau por: Imprenta de la Dirección general del Instituto geográfico y estadístico, 1912. p 253.
Hidrolochía Una vertient nord-este de la sierra de Segura desaugua enta lo río Aguas. Paralelo a lo primer trampo de lo río Aguas ye lo río Segura, que recibe lo barranco d'el Mont por la marguin dreita y se diriche enta lo sud-este entrando en la fondada de Martín-Cabra (cabo oriental de la depresión de Calatayú y Mont Albán), a on que complega con atros ríos y barrancos y contribuye a la formación de lo río Martín.
La vertient meridional desaugua enta barrancos de los rez de lo río de Barrachina u de lo río de Fuent Ferrada. Bi ha barrancos peneconsecuents: barranco d'el Sabucar, barranco de Canyamadera, barranco de Canya-Ramón en lo ret de Barrachina, y barranco de Lobera y barranco de la Manzanera en lo de Fuent Ferrada.
A lo nord-ueste de sierra Pedregosa, entre las sierras de Pelarda y de Segura bi ha tres lagunas: laguna Alta, laguna Baja y laguna d'en Medio.
Cheolochía La sierra de Segura ye formada por rocas sedimentarias detriticas d'edat paleochena concordants con lo Cretacio, destacando los conglomeraus d'edat Eocena y Oligocena (Sannoisián), situaus estratigraficament baixo conglomeraus oligocenos d'edat stampiana, los dos baixo una formacion de conglomeraus d'edat miocena superior-pliocena. Instituto Geológico y Minero de España: Mapa Geológico de España E 1:50.000. Segura de los Baños. Servicio de publicaciones de Ministerio de Industria y Energía, 1977. Bi ha una discordancia progresiva.
Bi ha un capuzamiento de bels 35º enta lo sud-ueste, lo que permite la formación de cuestas., y mesmo rallas. Las vals de los ríos Aguas y Segura son despartidas por una sola cuesta de bels 35º de capuzamiento (El Cerro).
Referencias
Bibliografía María Teresa Echeverría Arnedo: El valle del río Aguasvivas. Estudio geomorfológico. Geographicalia, 19-20, 1984. Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010. Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.
Categoría:Sierra de Segura