María Rosa Sierra Girón, conoixitia esportivament como Rosa Sierra u Rosita Sierra y naixita de Balbastro en 1944, ye una atleta aragonesa especializata en prebas de velocidat y medio fundo que estió campiona d'Espanya en a preba de 400 metros lisos en a edición de 1964, estando a primera atleta aragonesa en ser campiona d'Espanya en una preba d'atletismo.
Principió a practicar atletismo en Monzón con atras zagalas en a pista d'atletismo de 286 metros de cuerda habilitata en o campo de fútbol de L'Arboleda, os suyos equipos estioron o CA Monzón y CE Universitari o o suyo unique entrenador Ernesto Bribián pioner y gran impulsor d'a practica de l'atletismo en ixa localidat. Rosita, chunto a atras aragonesas como as zaragozanas Blanca Miret y María Luisa Orobia fuoron bellas d'as prencipals figuras d'a tornada de l'atletismo femenín en Aragón y Espanya dimpués d'a prohibición d'a practica esportiva femenina d'o rechimen de Franco. Rosa consiguió un total de siet medallas en os campionatos d'Espanya en os que partecipó, en a edición de 1963 dos medallas una d'archent en 100 metros lisos y unatra de bronce en 200, en a edición de 1964 una d'oro en 400 metros lisos, en 1965 y 1966 medalla archent en cadaguna d'as edicions en 400 m.lisos, y en 1967 y 1968 una medalla de bronce en cada edición tamién en 400 metros lisos. Tamién cal destacar dos victorias en a Cursa Jean Bouin de Barcelona en as edicions de 1965 y 1967.
Compitió con o CA Monzón y o suyo zaguer anyo con a sección d'atletismo d'o CE Universitari de Barcelona, a suya retirada esportiva fue prematura con 26 anyos cuan se trasladó ta Barcelona a vivir y no podió compatibilizar os entrenamientos con o treballo. Ye tía de l'atleta olimpico Javier Moracho. "Por ganar mi primera 'Jean Bouin' me dieron de premio una lavadora". Diario del Alto Aragón.
Palmarés Campionatos d'Espanya Historial d'os Campionatos d'Espanya d'atletismo. 100 metros lisos: Tercera en 1963. 200 metros lisos: Subcampiona en 1963. 400 metros lisos: Campiona 1964. Subcampiona en 1965 y 1966.
Cursa Jean Bouin. Ganadora en as edicions de 1965 y 1968
Referencias
Vinclos externos La reina del Monzón.
</center>
Categoría:1944 (naixencias) Categoría:Naixius de Balbastro Categoría:Atletas d'Aragón Categoría:Velocistas d'Aragón