A Clamor Amarga, Clamor Salada u Clamor d'Almacellas, Clamor de Tamarit u simplament La Clamor (en catalán Clamor d'Almacelles, localment Cllamor d'Almacelles BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.) ye una clamor situada en a Francha Oriental d'Aragón y que ha feito historicament parti d'a muga entre Aragón y Catalunya.
Cheografía A Clamor Amarga se forma o termín municipal d'Albelda en a provincia de Uesca y recorre cuantos kilometros a traviés d'as comarcas de Segrián (provincia de Leida) y Litera ta rematar desembocando en a Cinca, en o termín municipal de Zaidín, amán de Fraga.
O suyo cabal ye irregular y escaso y sirve en muitos puntos ta sinyalar a muga entre Aragón y Catalunya.
Historia A referencia mas antiga que existe sobre a Clamor Amarga la fa o rei Sancho Remíriz en 1089 cuan situa a iste barranco como muga oriental d'o Reino de Monzón:
A batalla de Fraga de l'anyo 1134 se desenvolicó en a redolada de La Clamor, estando probablement en iste puesto a on o rei Alifonso I d'Aragón fixó o suyo campamento en retirar as suyas tropas enta o nord-este debiu a la presión de l'exercito musulmán de Fraga.
En l'anyo 1173 torna a apareixer documentación de a Clamor Amarga como muga fixada por o bispe de Leida con os templers de Monzón ta o pago de diezmos a la suya diocesi:
A la fin sería en 1305 cuan o rei Chaime II d'Aragón confirmó en as Corz de Zaragoza, que a muga d'Aragón se trobaba en o río Noguera Ribagorzana y a Clamor d'Almacellas, quedando alavez Zaidín en o canto aragonés y Fraga (que dimpués s'adscribió a o Reino d'aragón por as Corz de Daroca de 1311) en o catalán.
Referencias
Vinclos externos La Clamor Amarga como límite de términos o territorios. La teua, la nostra història. Articlo en a GEC. Datos d'a CHE sobre a Clamor Amarga
Categoría:Afluents d'o río Cinca Categoría:Barrancos d'a provincia de Uesca Categoría:Barrancos de Litera Categoría:Barrancos d'a Cinca Baixa Categoría:Barrancos que fan de muga entre Aragón y Catalunya