A gave d'Aspa (en occitán gave d'Aspa, en francés gave d'Aspe) ye un río pirenenco situau en o departamento francés d'os Pireneus Atlanticos, en a rechión de Nueva Aquitania. Naixe o circo d'Aspa, en Aragón, y circula a traviés d'a val d'Aspa, una d'as tres vals pirenencas d'o Biarn.
O termin gascón gave designa un curso d'augua en a zona d'os Pireneus occidentals. Se tracta d'una parola d'orichen precelta muit emplegada en ista zona, dica o punto de que muitos cursos fluvials han perdiu fa nomás un sieglo o suyo nombre orichinal ta decirse agora a gave de... "Les hydronymes pyrénéens en Béarn", Dictionnaire toponymique des communes du Béarn, Miquèu Grosclaude, Escòla Gaston Febus, Pau, 1991, p. 389.
Cheografía left|thumb|310x310px|A gave d'Aspa en pasando por Aulorón. A gave d'Aspa tien una largaria de 58,1 km. Gave d'Aspe, Sandre Naixe en o circo d'Aspa, a os piez d'a punta Esper (2643 m), en o costau aragonés d'a muga, a l'uste d'o puerto de Somport. S'une a la gave d'Osal en Aulorón ta formar, ta par d'alavez, la gave d'Aulorón.
O grupo formau por as gaves d'Aspa y d'Ardiòs figura en o rete Natura 2000.
Historia O 27 de marzo de 1970 o puent de l'Estanguet, que trescruzaba a gave d'Aspa a o sud de Bedós, quedó destruyiu por un accident ferroviario, que levo a o cierre d'a sección Bedós-Canfranc d'a linia de Pau a Canfranc. "Le train plonge dans le gave d'Aspe", Michel Marjorie, Le Mag, suplemento d'o diario Sud Ouest, num. 52, 30 de marzo de 2013, pach. 32
Prencipals afluents (G) Afluent por a ezquierda; (D) Afluent por a dreita; (CP) Curso prencipal, designa una parti d'o curso d'augua que s'ha emplegau en o calculo d'a suya largaria.
(G) barranco d'Espelunguèra, 3,4 km. (D) barranco d'Arnossa, 5,2 km. (D) río Larri, 4,6 km. (G) gave de Baralet, 7 km. (D) río Sescoet, 8,8 km, en Etsaut. (G) gave de Belonsa, 8,5 km. (D) río Sadum, en Etsaut 5,9 km. (D) río Escuarpa, 5,4 km, en Escòt. (G) gave de Lescun, 12,6 km. (D) río Berthe, 8,8 km, d'Accous. (G) río Malugar, 7 km, en Atàs. (G) río d'Ossa, 5,6 km. (D) río Gabarret u gave d'Aidius, 12,6 km. (G) río Após, 3,9 km, en Sarrança. (D) río Barrescon, 9,7 km, en Escòt. (G) gave d'Ardiòs, 20,8 km. (D) río Ortau, 12,8 km, en Eisús. (D) río Arrigolin u Branas, 4,6 km, en Eisús.
Comunas que trescruza Acós Asasp e Arròs Aulorón Bedós Bidòs Borza Escòt Etsaut Eisús Gurmençon Leres Lascun Lurbe e Sent Cristau Òussa Sarrança Seta Urdòs
Referencias
Categoría:Ríos de Biarn Categoría:Ríos d'a provincia de Uesca Categoría:Ríos d'a Chacetania Categoría:Ríos pirenencos d'Aragón Categoría:Muga entre Aragón y Francia Categoría:Parque Nacional d'os Pireneus