Lo río Seco (en catalán Montlleó, en castellano Monleón) ye un tributario de la rambla de la Vídua por la suya marguin ezquierda. Tiene lo suyo naixedero en El Ojal (entre o Puertomingalbo y Mosqueruela), y caye en la rambla de la Vídua a on que s'ha posau la muga entre los termins municipals d'Aceneta, Culla y La Serra d'en Galceran, auguas enta baixo d'Els Ivarsos.

Auguas ent'alto de lo suyo naixedero de El Ojal bi ha un curso temporal d'augua (la rambla del Puerto) que i complega dende la versant sudoriental de la sierra de Mayabona (barranco del Portillo u del Ojal, que fa de muga entre Mosqueruela y o Puertomingalbo), dende Las Sampolas y El Cerro, y dende la sierra de la Batalla (entre o Puertomingalbo y Vistabella).

Auguas enta baixo de lo naixedero bi ha una foz fluvio-karstica con recolons que fa de muga entre los termins municipals de Mosqueruela y Vistabella. En este tramo ye lo puent de las Calzadas (de zaguers de lo sieglo XIV), perteneixent a un camín reyal y azagador baixomedieval. Pocos km dimpués caye lo río Mallo, tributario por la ezquierda.

Lo río Seco caye en la rambla de la Vídua a on que s'ha posau la muga entre los termins municipals d'Aceneta, Culla y La Serra d'en Galceran, auguas enta baixo d'Els Ivarsos.

Hidronimia L'hidronimo río Seco ye transparent y recurrent en aragonés. Ye documentau dende lo sieglo XIII y encara s'emplega. En latín medieval se latinizaba como rigus Sicus u rivus Siccus.

Se'n fizo mención en 1202 como ribosico u ribosito en la cesión de lo castiello de Puertomingalbo (en letra gotica la c y la t son muito pareixidas y se distinguen mal):

Lo 5 d'octubre de 1203 lo rei Pero lo Catolico donó a Arnau de Palacín lo castiello de Bos u Val d'Ursera y fizo mención d'un rigus Sicus:

En 1213 cuan lo mesmo rei donó lo castiello de Cuella a los templers tamién en fizon mención:

En un texto de 1265 de l'archivo d'aldeyas de la Comunidat de Teruel se'n fa mención como una muga de lo termin de Mosqueruela:

Tamién s'emplega actualment la denominación de río Monleón u riu Montlleó, que se remonta a un apelliu Monleón d'orichen aragonés pero que tiene la versión Montlléo u Monlleó en zonas catalanoparlants. Manimenos, Joan Coromines i Vigneaux considera que ye un hidronimo d'orichen arabe en mâ.l-cuyûn u "augua de los uellos". Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001, pp 102-104. Se troba como microtoponimo ya en 1251, cuan Guillem d'Anglesola dió carta de población a Vistabella:

Referencias

Bibliografía José Francisco Casabona Sebastián, Eduardo Gargallo Monforte: Mosqueruela: Guía de monumentos, paisajes, fiestas y servicios turísticos, Instituto de Estudios Turolenses, Teruel, 1999. Prensa Diaria Aragonesa: Los ríos de Aragón. Río Martín. El Periódico de Aragón, Diputación General de Aragón, 2005. Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006. Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001. José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016. Enric Guinot: Els límits del regne, el procés de formació territorial del País Valencià medieval (1238-1500). Edicions Alfons El Magnànim. 1995.

Seco Seco Seco Seco