A sinoga Mayor de Zaragoza yera la prencipal sinoga d'a chudería de Zaragoza. O suyo vago l'ocupa l'actual ilesia d'o Seminario de Sant Carlos, en o puesto a on se trobaba a plaza d'a Sinoga, centro d'o barrio chudieu.
Descripción En o sieglo XV constaba de planta basilical con tres naus, estando a central mas altera que as laterals y deseparada d'ista por pilars. Per o rafe d'a nau central i heba un salmo d'a Torah escrito en hebreu en colors royas y azuls. Canellas López,Ángel (1974). "La judería zaragozana". Cuadernos de Zaragoza, n°2, p.7 O suyo teito yera de fusta dorada y adornada con carrazos de mocarabes. Teneba siet puertas, tres en cada lateral y una dentrada prencipal en o suyo muro occidental. En a suya paret septentrional bi heba un menorah azul y royo.
Historia En a sinoga mayor se reuniba dende a o menos l'anyo 1311 l'alchama pa tractar os asuntos mas importants d'a comunidat chudieva en a ciudat. Astí yera alzau tamién l'archivo de l'alchama. Una parti desapareixió dimpués d'un incendio, la resta marchó a l'exilio con cualques familias mientres a expulsión de 1492. Canellas López,Ángel (1974). "La judería zaragozana". Cuadernos de Zaragoza, n°2, p.17
No yera a mayor chudieva d'o reino ni yera especialment fachendosa. Os expertos sinyalan que a suya arquitectura podría ser semellant a la sinoga de Santa María la Blanca de Toledo u a d'o Corpus Christi de Segovia por o que podría datar-se en o sieglo XIII, estando coetania d'os banyos chudieus.
Referencias
Bibliografía Guía de las juderías de Aragón. Un apasionante recorrido por el Aragón judío. Miguel Ángel Motis Dolader. Guías Turísticas Prames.
Zaragoza Categoría:Edificios desapareixius de Zaragoza