O Große Olympiaschanze (d'antis mas conoixito como Olympia Skistadion) ye una instalación ta fer saltos de trampolín situata en Garmisch-Partenkirchen en Baviera, Alemanya.
Construita en l'anyo 1921 teneba en a zona de caiguda una pista d'atletismo a on entrenaban atletas en verano, se´n facioron dos remodelacions en 1978 y 2007 ta adaptar-se a las condicions tecnicas d'a Federación Internacional d'Esquí. Mugant a os trampolins bi ha a pista d'slalom alpín conoixita como Gudiberg.
Cal destacar cualques d'as competicions esportivas feitas en iste puesto como os Chuegos Olimpicos d'hibierno de 1936, d'a que fue seu con o nombre de Olimpia Skistadion y a on se fació a ceremonia d'embotada d'os Chuegos, cualques prebas d'a Copa d'o Mundo d'Esquí y en l'actualidat ye una d'as seus d'a competición dita Four Hills Tournament (Torneyo d'os cuatre Trampolins) que se celebra tradicionalment a l'1 de chinero, o primer diya de l'anyo.
Vinclos externos
O große Olympiaschanze en Constructalia. Datos tecnicos d'os trampolins.
Categoría:Garmisch-Partenkirchen Categoría:Esporte en Alemanya Categoría:Esporte en Bavera Categoría:Estadios Olimpicos Categoría:Edificios d'Alemanya Categoría:Chuegos Olimpicos d'hibierno de 1936 Categoría:Chuegos Olimpicos d'hibierno de 1940 Categoría:Instalacions esportivas d'Alemanya Categoría:Instalacions esportivas d'os Chuegos Olimpicos d'hibierno de 1936