300px|thumb|A carrasca de Lecina.
A carrasca de Lecina, conoixida tamién a vegadas como a Castanyera de Carruesco, ye una carrasca monumental (Quercus ilex) que se troba en una finca particular amán d'o lugar de Lecina (que prene lo suyo nombre de l'árbol). Lo paraje en o cual s'asienta ye una zona de gran riqueza medioambiental, con grans eixemplars de carrascas, fraixins y caixicos. L'entorno de Lecina ye cercano a lo Canyón d'o Río Vero, a lo barranco d'a Choca y os Abrigos de Barfaluy, una zona de gran interés cheolochico y cultural. Amás, tot lo suyo territorio ye incluyiu en o Parque natural d'a Sierra y los Cañones de Guara.
Ista carrasca se creye que tien una edat de mil anyos y tien una altaria de 16,5 m., un diametro d'o tronco de 7,56 m y cubre una superficie de 615 m2, ye popularment conoixida como Castanyera de Carruesco u simplament como A Castanyera, baixo las suyas ramas se celebran vodas, tractos y afers varios en un costumbre heredau d'os celtas.A carrasca de Lecina en a pachina web d'o Parque Cultural d'o Río Vero. Tamién una lechenda popular conta que yera o puesto de reunión d'as bruixas d'a Sierrra de Guara.A Carrasca de Lecina en o concurso tree of the year de 2021..
Dende l'anyo 2015 ye catagolau como árbol singular por o Gubierno d'Aragón, y en l'anyo 2020 estió esleito como árbol del Año en Espanya y árbol de l'anyo europeo en 2021..
Referencias
Vinclos externos A carrasca de Lecina seguntes o Inventario d'Arbols Singulars d'o Gubierno d'Aragón.
Categoría:Árbols singulars d'Aragón Categoría:Lecina