miniaturadeimagen|Portalada d'o Centro Aragones de Barcelona O Centro Aragonés de Barcelona ye una asociación fundada l'anyo 1909 pa dar acullida a los numerosos aragoneses que viven en a ciudat de Barcelona y en a suya aria metropolitana. Conta con bels 2.100 socios y entre d'atras actividaz organiza cursos d'ixotas, aragonés y tallers d'indumentaria aragonesa. A suya seu tien una sala d'actos, una cambra d'exposicions y una biblioteca que conta con alto u baixo 15.000 volumens.
En Barcelona tamién existe una atra casa rechional aragonesa, o Centro Aragonés de Sarrià, con a suya seu en a carrera Fontcuberta, num. 23.
Seu Tien a suya seu en a carrera Joaquín Costa, num. 68, de Barcelona, en un edificio construyiu per Miguel Ángel Navarro Pérez en 1916 sobre lo vago d'o que yeran as enrunas d'o convento de Valldonzella.
En a suya construcción s'incluyioron de forma simbolica tres piedras de cada una d'as provincias d'Aragón: una de Zaragoza, perteneixient a la muralla romana d'o Paseyo de l'Ebro, chunto a lo convento d'o Santo Sepulcro; unatra de Teruel, una piedra picata d'o torrión d'Andaquilla, y unatra de Uesca, presa d'a viella muralla d'a ciudat en a ronda de Montearagón.
Pa la fiesta d'inaguración, celebrada lo 7 de setiembre de 1916, acudioron una numerosa multitut con muitas autoridaz, periodistas y visitants (mesmo i plegoron dos trens con 1.200 personas dende Zaragoza). Se fació una minchada con mas de 500 convidaus amás d'un desfile con a Banda Municipal de Barcelona encabezando la marcha.
Presidents Lista de presidents d'o Centro Aragonés de Barcelona dende la suya fundación: PresidentsAnyadasTirso Ortubia1909Hermenegildo Gorría Royán1909-1913Pascual Sayos Cantín1913-1920Andrés Martínez Vargas1920-1922Rafael García Fando1922-1923Rafael Ulled Altemir1923-1929Carlos Muntadas Muntadas1929-1931Pascual Sayos Cantín1931Felipe Herreros1931-1932Domingo Montón Ibáñez1932-1933Enrique Celma Alcaine1933-1934José Gregorio Costa Alvero1934-1937Mariano García Villas1937-1939José Royo Zurita1939-1940José Gregorio Costa Alvero1940-1943Jesús Tricas Abenoza1943-1945José Royo Zurita1945Amado Serraller Carral1945-1952Antonio Lázaro Irache1952-1962José Sanz Royo1962-1964José María Álvarez Latorre1964-1966Paulino Usón Sesé1966-1970José María Poblador Álvarez de Altabás1970-1974Ángel Barón Guerrero1974-1978César Alias Ortín1978-1979Fermín Gazulla Badenas1979-1983Joaquín Bajén Español1983-2002Jacinto Bello López2002-2013Ángel Barón Lanzón2013-2018Jesús Félez Bono2018-Hue
Vinclos externos Pachina web d'o Centro Aragonés de Barcelona.
Categoría:Edificios de Barcelona