Thure Johansson, naixito en 1886 en un puesto desconoixito de Suecia y muerto en 1970, tamién en puesto desconoixito fue un atleta sueco, conoixido como o sueco vechetarián especializau en prebas de larga distancia y que consiguió o récord d'o mundo en a preba d'a maratón o 31 d'agosto de 1909 con un tiempo de 2:40:34, feito en a Maratón d'o Velodromo Idrottsparken en una pista cubierta con una cuerda de 368 metros. Tenió o récord mientres casi cuatre anyos dica que Harry Green consiguió baixar a suya zaguera marca feita en 1910.
Tamién cal destacar que en 1909 estió o ganador d'a Kungsbackaloppet, una d'as cursas de fondo mas antigas d'o mundo, fendo parte d'a sección d'atletismo d'o Göteborgs FF, que con a sección d'atletismo de l'Örgryte IS estioron os suyos solos clubs mientres vivió en Suecia. Cuan emigró enta os Estaus Unius compitió por o Irish American Athletic Cluby en ixe país o suyo manager y entrenador estió Ernie Hjertberg, tamién sueco y anterior campión d'atletismo d'Estaus Unius.
Categoría:Atletas de Suecia Categoría:Corredors de fundo de Suecia Categoría:Suecos Categoría:1886 (naixencias) Categoría:1970 (muertes)