José Cabrero Arnal naixito de Castilsabás (Plana de Uesca, Aragón) o 7 de setiembre de 1909 y muerto en Antíbol (Francia) o 7 de setiembre de 1982, estió un debuixant de cómics asentau en Francia. Ye lo creyador d'o famoso personache Pif o can (en francés Pif le chien).
Biografía Fillo de Emeterio Cabrero Mur y Leonor Arnal Puértolas, a familia emigró enta Barcelona en o decenio de 1920. Astí José Cabrera treballo como debuixant en as revistas "TBO", "Pocholo", "L'Esquella de la Torratxa" y "Papitu". En esclatar a Guerra Civil Espanyola s'alistó en as milizias republicanas con as cuals luito dica que habió de fuyir a Francia a la fin d'a guerra. Dimpués d'a invasión nazi de Francia en chunio de 1940 estió feito presonero y en chinero de 1941 estió tresladau a lo campo de concentración de Mauthausen an remaniría dica mayo de 1945. En 1946 publicó las suyas primeras historietas de Placid y Muzo, una rabosa y un onso antropomorficos, en o semanario Vaillant. En 1948 creyó lo suyo mas celebre personache, Pif o can, que amaneixió en a revista L'Humanité.
Bibliografía Fico Ruíz: Aragonautas: Aragoneses olvidados, Anorak ediciones, 2018, ISBN 978-8494643828.
Filmografía D’après Arnal, ittnéraire d'un crayon rouge, (2019).
Categoría:Debuixants d'Aragón Categoría:Debuixants de cómic d'Aragón Categoría:Muertos en Alpes Maritimos Categoría:Naixius de Castilsabás Categoría:Supervivients de Mauthausen Categoría:1909 (naixencias) Categoría:1982 (muertes)