thumb|right|150px|Leuguario en Bailén (Provincia de Chaén, Andalucía). A leugua u legua (d'o latín tardano <leuga Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, , p.285) ye una unidat de mesura de distancias historica que dimana d'o sistema de mesura romano y que en orichen yera equivalent a la distancia que una persona podeba marchar en una hora. Por ixa razón, a leugua ye una unidat de mesura itineraria y podeba tener grans variacions seguntes o terreno aon que se caminase, y d'alcuerdo con os países remató por tener diferents valors entre uns puestos y atros.
Historicament a uniformización de midas de la leugua yera un problema, dando-se casos como lo d'a Corona de Castiella, aon que s'arribó a tener una duplicidat de mesuras de leuguas. En o Reino d'Aragón, a leugua s'estandarizó en as Corz de Monzón de 1553 y yera lo equivalent a 8000 varas aragonesas (6176 metros).Romero García, R.E.: Breve compendio de las antiguas medidas utilizadas en las diferentes provincias y regiones españolas. Técnica Industrial 254, setiembre 2004. En o Reino de Valencia se plegó a la situación en que se midiba las leuguas en varas castellanas por cuentas de valencianas (1 vara valenciana = 0,906 metros).
Eixemplos
Leugua romana: A mesura d'a cual dimanan as atras, yera equivalent a 15000 piez romanos u a 3 millas romanas; Blázquez y Delgado-Aguilera, A: La Milla Romana (II). Boletín de la Real Academia de Historia 34, 1899, pp. 25-52. CDU 930.271(460) ixo ye, a 4443 metros. Leugua aragonesa: Como 8000 varas aragonesas (6176 metros). Leugua navarra: Como 7000 varas navarras (5495 metros). Leugua castellana: Como 6666,7 varas castellanas (5572,7 metros). Leugua valenciana: Como 7222 varas castellanas (6036,9 metros). Leugua francesa (lieue): 4440 metros. ¿Cuántos metros son una legua?, consultau lo 13 d'octubre de 2019. Leugua portuguesa: 28168 palmos u 2818 brazas. LÓPEZ, Tomás; Principios geográficos aplicados al uso de los mapas (Tom. II). Joacín Ibarra (editor). Madrit, 1783. En Portugal s'emplegaba a mas un multiplo d'a leugua que yera lo "grado", equivalent a 18 leuguas portuguesas.
Referencia
Categoría:Unidaz de longaria