Kretzoiarctos beatrix (ABELLA, MONTOYA & MORALES, 2011) ye una especie extinta de mamifero carnivoro d'a familia d'os ursidos que vivió en o Mioceno en Europa, fa arredol de doce millons y meyo u once millons y meyo d'anyos. The oldest relative of the giant panda has been discovered in Spain; consultada o 13 de noviembre de 2019. A especie s'identifica como miembro d'a subfamilia Ailuropodinae (linache evolutivo de l'onso panda), en a cual estaría o miembro mas antigo conoixiu.
Ye una especie definida en l'anyo 2011 a partir de restas fósils descubiertas en a provincia de Zaragoza, pero enantes adscritas a o chenero Agriarctos. O especimen fósil se conoixeba enantes como Agriarctos beatrix, y con ixa investigación se concluyó que feba parte d'un chenero diferent Encuentran fósiles que señalan que el panda más antiguo podría ser español; consultada o 13 de noviembre de 2019. que os mesmos autors baltizón en honor a o paleontologo hongaro Miklós Kretzoi.
Descripción
Kretzoiarctos beatrix yera mas chicot que os onsos pandas actuals, con arredol de 60 kg de peso. Se piensa que puyaba mas fácil a os árbols, y podeba fer una vida parcialment en as alturas. A la contra que os pandas actuals, que son herbivoros cuasi de tot, K. beatrix yera omnivoro como ye regular en os onsos.
Habitat
En o Mioceno, Europa teneba un clima mas suau que l'actual y buena cosa d'o continent teneba selvas temperadas y humedas de fuella perén, semellants a o bioma actual de laurisilva. Os suyos descriptors piensan que K. beatrix viviba en estas selvas.
Referencias
Vinclos externos