Esta pachina parla sobre el refuchio u cabana de Taberners. Pa atros emplegos d'el toponimo Taberners se veiga Taberners (desambigación).
O refuchio de Taberners u cabana de Taberners Toponimos oficials de Sobrarbe en www.lenguasdearagon.org (en castellano refugio de Tabernés) ye un refuchio no guardau que se troba a 1.740 m d'altaria en a comarca de Sobrarbe, y situau en a val de Chistau, chunto a o río Cinqueta de la Pez.
Administrativament ye situau en o termín municipal de Chistén, en a comarca de Sobrarbe, en a provincia de Uesca, Aragón. Se i puet acceder en auto dende Sant Chuan de Plan, situau a bels 2 km de distancia.
Ye dividiu en dos cambras comunicadas entre sí por una puerta. A mas chicota tien bels 9 metros cuadraus y una chaminera gran. L'atra bels 25 metros cuadraus, una gran mesa y dos cadieras. A capacidat total ye d'entre 20 y 30 personas.
Actividaz O refuchio ye situau en o Parque Natural de Posets-Maladeta, por o que da acceso a importants montanyas como a punta Vachimala (3.176 m), a punta Suelsa (2.971 m), a punta de la Pez (3.022 m), a punta Culfreda Norte (3.033 m), a punta Culfreda d'el Medio (3.031 m) u a punta Culfreda Sud (3.034 m).
Antimás o GR 11 pasa por Viadors, situau no guaire luent de Taberners. O refuchio ye tamién vía de paso ta puyar a os puertos de la Madera (2.562 m) y la Pez (2.460 m).
Referencias
Enlaces externos Información d'o refuchio en pirineosordesa.com Ficha en Pirineos3000
Taberners Taberners Categoría:Edificios de Chistén