O tanuki (d'o chaponés < tanuki; (GRAY, 1834)) ye un mamifero placentario carnivoro miembro d'a familia Canidae, orichinario de Chapón, Corea y China oriental pero introduciu en Europa de l'Este y central, aon que s'ha tornau una especie invasora.

Descripción

O tanuki ye un canido d'aspecto primitivo, con caracters que son consideraus basals pa ixe grupo d'animals. Tiene un pelache muit denso, de tonos grisos y negros, mas pardo por alto y fusco por debaixo. As patas son curtas y os didos no son de tot aliniaus como en a resta d'os canidos, sino que amuestran bella cosa de radialidat, como en os mustelidos y os ursidos. A coda la tienen larga y densa como as rabosas.

Tiene unas tacas particulars en a cara, arredol d'os uellos , que recuerdan a o mapache con o cual no tiene garra parentesco.

Habitat

En a suya aria cheografica de procedencia, o tanuki vive en sotos y riberas, y tamién en paúls y atros puestos humedos. S'estima las selvas de fuella caduca, mas humedas. Captura reptils, anfibios, moluscos y peixes, pero tamién mincha radices, bulbos, bayas y simients, por o cual ye un d'os pocos canidos omnivoros. En Chapón se'n ha visto puyando a os árbols pa pillar fruitos, Kauhala K. & Saeki M. (2004). Raccoon Dog at the Wayback Machine. Canid Species Accounts. IUCN/SSC Canid Specialist Group. Pridobljeno 15.4.2009. por o cual ye un d'os pocos canidos capables de fer-lo.

En Europa se ye expandindo por as rechions frias y templadas. Como ye un depredador d'anfibios y vertebraus menudos, tiene un impacto negativo en os ecosistemas en os que s'aclimata.

Depredadors

Nomás os lobos, as aguilas y os bubons Heptner, V. G.; Naumov, N. P. (1998), Mammals of the Soviet Union Vol. II Part 1a, Sirenia and Carnivora (Sea cows; Wolves and Bears), Science Publishers, Inc. USA., pp. 166–176, . se sabe que cacen tanukis adultos. A rabosa roya puet cazar os cadiellos de tanuki. S'ha documentau muertes de tanuki a mans de taixons cuan os canidos miraban de colar-se en a matriquera d'o mustelido.

Referencias

Se veiga tamién

Mapache.

Vinclos externos

Categoría:Especies invasoras