A Foya de Gamueta ye una montanya pirenenca que se troba situata en a val d'Ansó, en os Pireneus d'Aragón, a 2.308 metros d'altaria.
Administrativament fa parti d'o municipio d'Ansó y ye adintro d'o Parque Natural d'as Vals Occidentals.
Toponimia Una foya BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 212 Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. p 240. ye una depresión u una concavidat de lo terreno. Se puet formar por l'acción erosiva de l'augua u por una fuesa tectonica.
O toponimo Gamueta podría derivar d'o basco gamo u ganbo y iste a la vegada de l'occitán biarnés camou con o significau de "campo amanau a una fuent u vía d'augua". Se troban atros toponimos relacionaus con iste por o Pireneu, como camón en Ansó y a val d'Echo, cambón en Aragüés de lo Puerto y Lascun u cambot en Leres, Issòr, Hiars, Borza y Sarraltzune (barrio bascofono de Lana en Varetons). En Larra, lugar d'Isaba, se troba o toponimo Camalonga, relacionau con o toponimo aragonés Camón Luengo, en a muga entre Ansó y Echo. "Las relaciones históricas entre los valles de Ansó (Aragón) y Roncal (Navarra) y su reflejo en la lengua y en la toponimia. Juan Karlos Lopez-Mugartza Iriarte, Universidad Pública de Navarra
Referencias
Vinclos externos Información de Chinebral de Gamueta en "Mendikat"
Categoría:Montanyas d'as sierras interiors pirenencas Categoría:Montanyas d'o Prepireneu aragonés Categoría:Montanyas d'a provincia de Uesca Categoría:Montanyas d'o Parque Natural d'as Vals Occidentals Categoría:Montanyas d'Ansó Categoría:Montanyas d'a Chacetania