LAgrupación Guerrillera de Levante y Aragón (u tamién AGLA) yera una organización guerrillera antifranquista controlada per o Partido Comunista de España (PCE) y que estió activa entre los anyos 1940 y 1952. A suya prencipal zona d'actuación estioron as provincias de Cuenca, Teruel, Valencia y Castellón.

Organización L'AGLA yera dividida en cuatro sectors. Lo 5.eno Sector cubriba Cuenca, parti de Teruel y de Guadalachara. L'11.eno Sector actuaba en Cuenca, Valencia, Teruel y Castellón. Lo 17.eno Sector comprendeba la mayor parti d'a provincia de Teruel y Castellón. Lo 23.eno Sector, que actuaba en parti de Zaragoza, Tarragona, Castellón y Teruel; y que surtió d'a división d'o 17.eno sector.

thumb|L'AGLA yera trestallau en cuatro sectors.

Cadagún d'estes sectors yera formau per brigadas, batallons y companyías seguindo una hierarquía militar.

Os chefes de sector yeran nombraus per o chefe de l'Agrupación u per órdens venidas dende Francia u Valencia.

Lista de chefes de sectors En el 5.eno Sector, la jefatura la ocuparon Victoriano Anastasio Serrano “Capitán”, Antonio Gil “Medina”, Atilano Quintero “Tomas” y Fulgencio Jiménez “Rodolfo”. En el 11.eno Sector, Florián García Velasco “Grande”. En el 17.eno Sector, Ángel Fuertes Vidosa “Antonio”, Francisco Corredor Serrano “Pepito el Gafas” y Germán Amorrortu “Manso”. En el 23.eno Sector, Jesús Caellas Aymerich “Carlos”

Os campamentos variaban en a suya ubicación y construcción. Dende simples cubillars, pa pernoctar unas pocas nueiz, dica grans espacios, con construccions fixas, composadas de chabolas de trallos y zaborros cubiertos con brancas y ramiellas, proveyius de tot o necesario pa vivir meses en éls, como per eixemplo en o Campamento Escuela de Tormón.

L'AGLA feba tamién uso d'os clamaus en castellano “Puntos de Apoyo”, personas (a ormino familiars) que aduyaban a lo sostenimiento material d'a guerrilla. En muitas ocasions, lo rechimen franquista exerceba la suya represión mas agresiva contra istes "puntos de apoyo", como una forma d'enfeblir a la guerrilla: asinas en a ixarrallón de Monroyo de 1947, entre seis y ueito personas, cualques d'ellas familiars, estioron executadas sin chudicio.

Historia L'AGLA encetó las suyas operacions en 1940 con a intención de forzar la caita d'o Rechimen Franquista. L'actividat d'a guerrilla estió creixendo con lo transcurso d'as anyadas. Asinas a organización se reorganizó y pasó d'estar dividida en tres sectors a cuatro pa cubrir millor lo territorio. Pa acotolar a guerrilla en ista parti d'a Peninsula Iberica, lo gubierno franquista d'Espanya nombró lo 28 de chulio de 1947 a Manuel Pizarro Cenjor como gubernaire militar de Teruel, Albacete, Cuenca y Valencia. En aviento de 1947 ye asaltau per centerars de Guardias Civils lo campamento que yera en Muela Mediana en a sierra d'Albarracín amán de Tormón y Chabaloyas. Astí s'efectuaba instrucción politica y cultural, uso de armamento y explosivos, y s'editaba El Guerrillero. Os guerrillers podioron fuyir nomás con una baixa. En 6 de chinero de 1948 a Guardia Civil asaltó lo campamento de «Morro del Gorrino», en Salvacanyet. Lo 7 de noviembre de 1949 a guardia civil asaltó lo campamento d'a guerrilla en Cerro Moreno, provincia de Cuenca, amortando a 12 guerrillers. Ista esferra marcó lo prencipio d'a fin de l'AGLA. Os zaguers guerrillers salioron enta Francia en 1952 en un grupo comandau per o chefe de l'11.eno sector, Florián García Velasco "Grande".

Bibliografía Secundino Serrano Maquis - Historia de la guerrilla antifranquista., Madrid: Temas de Hoy, 2001, Fernanda Romeu Alfaro Más allá de la utopía: Perfil histórico de la Agrupación Guerrillera de Levante., Edicions Alfons El Magnànim, 1987. Fernanda Romeu Alfaro Más allá de la utopía: Agrupación Guerrillera de Levante., Cuenca: Colección Almud, 2002, Josep Sánchez Cervelló y VV.AA. Maquis: El Puño que Golpeó al Franquismo., Barcelona: Flor del Viento, 2003, Mercedes Yusta Guerrilla y resistencia campesina. La resistencia armada contra el franquismo en Aragón., Zaragoza: Prensas Universitarias de Zaragoza, 2003, Emencio Alcalá Ruíz Memorias de un Guerrillero - El Maquis en la Sierra de Cuenca., Cuenca, 2003, David Prieto Jiménez Los Maquis en la Provincia de Cuenca., Diputación Provincial de Cuenca, 2005, José Antonio Vidal Castaño La Memoria Reprimida - Historias Orales del Maquis., Universidat de Valencia, 2004, Antonio Calzado Aldaria, Ricard Camil Torres Fabra Valencians sota el franquisme, Simat de la Valldigna, la Xara, 2002, José Manuel Montorio Gonzalvo "Chaval" Cordillera Ibérica - Recuerdos y olvidos de un Guerrillero, Gubierno d'Aragón, 2007, Salvador Fernández Cava Los Guerrilleros de Levante y Aragón., Cuenca Tomebamba, 2007, José Ramón Sanchís Alfonso Maquis: Una Historia Falseada - La Agrupación Guerrillera de Levante., Gubierno d'Aragón, 2007, Juan Hueso "Casto" Informe de Guerrillas - Desde el Valle de Arán a los Montes de Cuenca., Valencia: Germanía, 2004, José Calvo SegarraLa Pastora. Del monte al mito., Editorial Antinea, 2009, Argelio Rabadán Mora "Daniel Rabadán, "Antonio". Un guerrillero del AGLA, su entorno y sus gentes., 2012,

Categoría:Historia d'Aragón Categoría:Comunismo en Aragón Categoría:Comunismo en o País Valenciano