L'ibón Chelau d'as Tres Serols (en castellano ibón Helado del Monte Perdido) ye un ibón pirenenco situau en o macizo d'as Tres Serols, baixo o Mallo de Marmorés (3.328 m), en o municipio de Fanlo, comarca de Sobrarbe.
Se troba en a cabecera d'a val d'Ordesa, chunto a lo glaciar d'as Tres Serols, d'a que s'orichinó. Se i puet arribar dende o refuchio de Góriz u dende cuello Arenas (Nerín).
Por a suya altaria, de 2.958 metros, y a suya chicota grandaria (0,3 ha) ye practicament chelau mientres diez u once meses a l'anyo, difueras d'os meses estivals. Fa parti d'o Parque Nacional d'Ordesa y d'as Tres Serols y d'o Molimento Natural d'os Glaciars Pirenencos.
As suyas auguas no baixan por a val d'Ordesa, sino que se filtran por as rocas de calsinera ta apareixer en a versant norte y alimentar o salto d'augua d'o circo de Gavarnía.
Vinclos externos En www.lacsdespyrenees.com ibonesdearagon.turismodearagon.com
Chelau d'as Tres Serols Chelau d'as Tres Serols