O Wörthsee se troba en o districto norte de Starnberg en Baviera, a bels 25 km a lo sud-ueste de Múnich. Ye un d'os lacos de conchunta con Ammersee, Weßlinger See, Pilsensee y o laco de Starnberg d'a rechión clamada d'os cinco lacos (en alemán Fünfseenland). A mayor parti d'a suya costa ye de propiedat privada y inaccesible. Antimás o laco ye propiedat d'o conte Cajetan zu Toerring-Jettenbach.
Toponimia O laco prene lo suyo nombre d'a isla de 12 hectarias de Wörth, que se troba en él. Werth en alemán meyo significa nomás que isla. A isla Wörth se diz popularment a isla d'o zorz (en alemán Mausinsel). Antis mas lo laco se deciba Ausee.
Lechenda A isla Wörth u Mausinsel prene lo suyo nombre d'una viella lechenda. Fa muitos anyos, un conde rico pero despiedau yera duenyo d'a isla. Entre una epoca de fambrera, cualques labradors vinioron a pedir-le minchada. Os fació pasar a un granero, que estió pretau fuego. Cuan lo lamento d'os labradors moribundos se calmó, o conte dició: "Escuités ixe chemeco de ratos y xoriguers? Luego istas plagas serán acotoladas". O conte tornó a lo suyo castiello, que estió invadiu per un ixambre de ratos y xoriguers que mesmo furtoron a minchada d'o suyo plato. Fuyió a la isla, pero lo siguioron astí y lo minchoron vivo. Dimpués desapareixioron. Bayerische Sagen und Mythen: Von bösen Rittern, sprechenden Pferden und der schönen Maiblum, Süddeutsche Zeitung Verlag, 2017, ISBN 978-3864974328, p.188
Referencias
Categoría:Lacos de Bavera