Ta atros usos se veiga tortiella (desambigación)
Una tortiella ye un plato que se prepara batendo os uevos (tanto o robillo como a clara) y posteriorment freyindo con poco aceite o liquido que en resulta. A mezcla de uevos batius con carnes, peixes u vechetals, formando tortiellas, ye muit antiga y tradicional arredol d'o mundo. No existe un alcuerdo sobre l'orichen d'iste plato tan tradicional y estendillau a livel mundial. Con o uevo como base ta a suya elaboración, a tortiella presenta a-saber-las variedaz que acullen tot tipo d'ingredients: verduras, hortalicias y carnes, entre atros. Tien un important valor, tanto culinario com nutritivo.
Tipos de tortiellas Tortiella floixa, elaborada nomás con uevos. Gosa estar d'un u dos uevos y siempre ye individual. Se mincha muitas vegadas con pan con tomate u adintro d'un entropán. Tortiella de trunfas, feita con una mezcla de uevo y trunfas fritas. Se le gosa meter tamién cebolla frita. Se fa en a peninsula Iberica, islas Balears y Occitania. En Aragón y en Catalunya ye muit común fer-ne versions en as que as trunfas u una parti d'as trunfas se substituyen por una atra hortalicia mediterrania de temporada, como a carbaceta. Tortiella de roz, feita con uevos y roz, ye una receta tradicional d'a comarca de Sobrarbe.
Vinclos externos Tortilla de arroz
*