L'ibón d'Izagra ye un ibón situau en o municipio d'Aísa, en a comarca de Chacetania. En l'actualidat ye ixuto.
Se troba chunto a o cuello d'o Bozo (1.995 m) por o que pasa o GR 11.1.
Dolmen d'Izagra Chunto a l'ibón se o troba o tumulo u dolmen d'Izagra, de 17 metros de diametro por 1,5 d'alto. Ye rodiau por un peristalito formau por bellas 40 piedras y tien una chicota cambra, orientada en a dirección Este-Ueste, que conserva as losas d'os cuatro cantos, formadas de piedra panal. As losas d'os cantos Norte y Sud se troban inclinadas enta o centro y refirmadas l'una en l'atra. A primera d'ellas tien una largaria de 0,75 metros, una amplaria d'entre 0,35 y 0,40 metros y una gordaria de 0,25 metros. A situada en o canto Sud tien unas dimensions de 1,55 metros de largaria, 0,70 d'altaria y 0,30 de gordaria.
O dolmen podría datar d'o sieglo III aC, estando un puesto d'enterreco d'a epoca neolitica. Se i han trobau restas de uesos umans.
Bibliografía ANDRÉS RUPÉREZ, MARÍA TERESA. Nuevos vestigios megalíticos en el Pirineo Aragonés, Bolskan nº 10, Huesca 1993, pp. 145–176.
Vinclos externos Un escondite pirenaico. Del valle de Aísa al Rincón de Izagra. Heraldo de Aragón, 31 de chulio de 2011. Dolmen del Ibón de Izagra. Gubierno d'Aragón. Dolmen d'Izagra
Izagra