L'ibón de Culibiellas (en castellano ibón de Culivillas) ye un ibón situau chunto a la estación d'esquí d'Aramón Formigal en l'Alto Galligo.
Toponimia Iste toponimo ye rechistrau con o sufixo -iella en protocolos notarials de Sallent d'o sieglo XV Para un corpus de toponimia tensina, I: registros en protocolos de un notario de Sallent durante los años 1424-1428, 1431, 1443 y 1450. Jesús Vázquez Obrador:
A suya etimolochía no ye guaire clara y bi ha cuantas teorías. Podría estar un derivau rematau en -ICULA d'o latín CUBILE 'leito', 'cubilar', d'on aparexeiría *Cubililla que habría tenido dimpués una metatesi de -b- y -l-, rematando asinas en Culibillas.
Manimenos por existir documentación de formas rematadas en -iella fa dubdar d'a presencia d'o sufixo -ICULA y apunta enta un derivau en -ELLA. En iste caso o problema ye explicar por qué ixe sufijo no ha evolucionado enta -iacha/-iecha, que ye o normal en a toponimia tensina.
D'atra man, no se puet descartar o suyo orichen en o compuesto *Cubil Viella (< CUBILE VETULA), que pasaría a Culibiella y dimpués por castellanización a Culibilla.
Referencias
Culibiellas