John Anthony Frusciante (Nueva York, 5 de marzo de 1970) ye un guitarrista, cantaire, compositor y productor estadounidense. En l'actualidat ye lo guitarrista d'os Red Hot Chili Peppers, con qui ha gravau cinco discos d'estudio en os periodos 1988-1992 y 1998-2008, y lo suyo zaguer torno en 2019. Tamién tiene una larga carrera solista activa, habendo lanzau doce discos y 5 EPs en solitario. Las suyas gravacions incluyen elementos que van dende lo rock experimental y ambient, dica la New Wave y musica electronica.
Frusciante s'unió a Red Hot Chili Peppers en 1988, en substituyir a lo guitarrista Hillel Slovak, que acababa de feneixer per sobredosis de drogas. La suya primera aparición estió en o disco de 1989 Mother's Milk, pa dimpués gravar lo clasico Blood Sugar Sex Magik, que se convirtió en un autentico exito. La repentina fama y las constants chiras facioron que Frusciante abandonase la formación en 1992, y se recluyó en a suya casa pa tornar-se adicto a la heroína y gravar una serie de discos en solitario. En 1998 lo guitarrista completó con exito un proceso de rehabilitación que le permitió tornar a los Red Hot Chili Peppers lo mesmo anyo y gravar con éls lo disco Californication. Remanió como miembro estable d'a formación dica 2009, anyo en o cual decide abandonar-la pa centrar-se en a suya vida artistica en solitario. En aviento de 2019 estió anunciau lo suyo retorno a lo grupo dimpués d'a partida de Josh Klinghoffer, qui lo reemplazó dimpués d'a suya segunda salida en o 2008.
Estió triau per la revista Rolling Stone en o puesto numero 72 d'a lista d'os 100 guitarristas mas grans de toz los tiempos y seguntes la enquesta "The Axe Factor" producida per la BBC d'Inglaterra, ha estau nombrau lo millor guitarrista que haiga existiu en os zaguers 30 anyos.
Biografía
Primers anyos John Anthony Frusciante naixió de Queens, lo 5 de marzo de 1970. Su pai, Sr. John Frusciante, yera pianista y chuez, y la suya mai, Gail Frusciante, yera una vocalista que deixó la suya actividat musical pa convertir-se en duenya de casa. Frusciante tiene ascendencia italiana per parte paterna; lo suyo bisabuelo, Cheneroso Frusciante, yera orichinario de Benevento. La familia Frusciante se tresladó a Tucson, Arizona, y posteriorment a Florida, an su pai exerce actualment la profesión de chuez. Cuan sus pais se deseparoron, Frusciante y la suya mai se mudoron a Santa Mónica, California. Un anyo dimpués, se tresladoron nuevament, esta vegada a Mar Vista, en o extrarradio de Los Angeles, con o padrastro de John. Seguntes este, lo nuevo novio d'a suya mai le «emparaba», y le «feba sentir bien»Rotondigic, James (Noviembre de, 1997). "Till I Reach the Higher Ground". Guitar Player.. Ya en a suya adolescencia, Frusciante dentró en contacto con a choventut angelina immersa en o punk rockRotondigic, James (Noviembre de, 1997). "Till I Reach the Higher Ground". Guitar Player.. A los nueu anyos, prencipió a escuitar a The Germs, y a los "diez" ya sabeba tocar en a suya guitarra cuasi totas las cancions d'o disco (GI)Rotondigic, James (Noviembre de, 1997). "Till I Reach the Higher Ground". Guitar Player., y prencipió a recibir clases de guitarra. A los once anyos descubrió a guitarristas como Jeff Beck, Jimmy Page y Jimi Hendrix, y poco dimpués escuitó per primera vegada a Frank Zappa. Entre la suya adolescencia plegaba a tocar los suyos temas dica quince horas a lo día. A los deciséis anyos, Frusciante deixó l'instituto pa dedicar-se a la musica, y se mudó a lo centro de Los Angeles (California) pa amillorar las suyas tecnicas musicals.
Ret Hot Chili Peppers (1988-1992) QCuan Frusciante teneba quince anyos, veyió per primera vegada a los Red Hot Chili Peppers en concierto, y se convirtió en seguidor d'a suya corrida, de tal traza que s'aprendió las partes de baixo y guitarra d'os tres primers discos d'a banda. En frecuentar los conciertos d'a banda, Frusciante se fació amigo d'o guitarrista Hillel Slovak, con qui charró dimpués d'o zaguer concierto que daría lo guitarrista: «Hillel me preguntó, -Te seguirían fendo goyo los Chilis si se convertisen tan populars como pa tocar en o La Forum?- Yo dicié, -No. L'arruinaría tot. Ixo ye lo bueno d'a banda, que l'audiencia no se siente diferent respective a ella en absoluto.- Existiba realment esta vibración en as suyas conciertos, brenca d'a frustración que recorre l'audiencia cuan toz ye blincando y la resta no pueden devantar-se d'o puesto. Ni sisquiera veyeba los conciertos. Me sentiba parte d'a banda, y creigo que la resta d'o publico tamién»..
Frusciante se fació amigo de l'antigo batería de Dead Kennedys, D.H. Periglo, en 1988. Improvisoron cuantas vegadas chuntos, y Periglo convidó a lo suyo amigo Flea (baixista d'os Red Hot Chili Peppers) a improvisar con éls. Frusciante y Flea contactoron de tal traza que Flea dició dimpués que estió la primera vegada que heba tocau lo riff de baixo d'a canción «Nobody Weird Like Me» (present en o disco Mother's Milk, ta part d'alavez encara sin componer). Arredol d'ixe tiempo, Frusciante iba tamién a realizar cualques audicions pa ingresar en a banda de Frank Zappa, pero abandonó la ideya cuan s'enteró que los integrantes d'a banda de Zappa no podeban consumir drogas. En una entrevista, Frusciante dició: «Paré cuenta que quereba estar una estrela d'o rock, prener drogas y estar con mocetas, y que no sería capaz de fer ixo en a banda de Zappa».Rotondigic, James (Noviembre de, 1997). "Till I Reach the Higher Ground". Guitar Player.Notas d'o disco Mother's Milk presents en a suya edición remasterizada de 2003.
En 1988, Hillel Slovak murió de sobredosis de heroína, y lo batería de Red Hot Chili Peppers, Jack Irons, deixó la banda a lo no estar capaz d'asimilar la muerte d'o suyo amigo. Los restantes integrantes d'a formación, lo baixista Flea y lo vocalista Anthony Kiedis, decidioron continar con a suya corrida y contrataron a D.H. Periglo como batería y a DeWayne "Blackbyrd" McKnight como guitarrista, ex miembro de Parliament Funkadelic. Manimenos, McKnight no acababa de convencer a lo dúo Flea-Kiedis, y decidioron buscar un substituto. A Flea le vinió a la mente aquella improvisación con John Frusciante, y rapidament decidioron sozmeter-le a una audición y, posteriorment, acceptar-lo en o sino d'a banda como un reemplazo perfecto de McKnight, ya que, seguntes Kiedis y Flea, John tocaba y se moveba como Hillel Slovak sobre lo escenario. Frusciante, que yera a punto d'unir-se a la banda de punk Thelonius Monster, acceptó sin dubdar.Forsythe, Tom. (Febrero de 1991) "Laughing All the Way". Guitar Magazine.
Poco dimpués d'a plegada de Frusciante a lo grupo, D.H. Periglo, qui prencipiaba a abusar en gran medida d'as drogas, estió despediu, y poco dimpués la plegada de Chad Smith pa cubrir la suya hueco fació que los Red Hot Chili Peppers prencipiasen a componer lo suyo siguient disco, Mother's Milk, en 1989. Entre las sesions de gravación, Frusciante querió emular a lo feneixiu Slovak en cuenta de centrar-se en o suyo propio estilo, bella cosa en o que no yera d'alcuerdo lo productor d'o disco, Michael Beinhorn, qui quereba que la suya guitarra sonase en un ton de heavy metal poco común. Esto ocasionó diversos enfrontinamientos entre Frusciante y Beinhorn, encara que a la fin acabó vencendo lo punto de vista d'o productor.Kiedis, Sloman, 2004. p. 242
Lo siguient disco d'a banda estió Blood Sugar Sex Magik, y lo segundo con Frusciante en as suyas ringleras. Lo productor d'o disco, Rick Rubin, pensó que la gravación d'o treballo teneba que levar-se a cabo en un puesto poco frecuent, per lo que la banda se tresladó a una viella mansión d'Hollywood. Entre las sesions de gravación, Kiedis, Frusciante y Flea s'aisloron en a mansión y prencipioron a fumar grans cantidaz de marihuana, especialment Flea y Frusciante.Dalley, Helen (Agosto de 2002). "John Frusciante" Total Guitar. Consultado el 27 de agosto de 2007. Arredol d'esta epoca, Frusciante encetó un prochecto con Flea y Stephen Perkins, batería de Jane's Addiction y Porno for Pyros, clamau The Three Amoebas. Encara que gravoron entre diez y quince horas de musica, brenca d'esto estió publicau nunca.
Blood Sugar Sex Magik estió un autentico exito dende la suya publicación lo 24 de setiembre de 1991. Lo disco aconsiguió lo tercer puesto d'a lista d'o Billboard 200 y vendió mas de siet millons de copias nomás en os Estaus Unius. L'inasperau exito d'o treballo convirtió a los Red Hot Chili Peppers en superestrellas, y Frusciante prencipió a sentir-se incomodo con o suyo nuevo estatus. Poco dimpués d'a edición d'o disco, prencipió a disgustarle l'amplia popularidat d'a banda. Kiedis escribió en a suya autobiografía, titulada Scar Tissue, que él y Frusciante gosaban mantener acaloradas discusions dimpués d'os conciertos. Seguntes Kiedis: John deciba, «somos masiau populars. No amenesto estar a este livel d'exito. Nomás sería orgulloso d'estar tocando esta musica en os clubs en os cuals vustés tocaban fa dos anyos». Frusciante dició dimpués que l'augmento de popularidat d'a banda heba estau «masiau alto, masiau luent, masiau luego. Tot pareixeba estar pasando a la vegada y yo no podié fer-le frent». Tamién prencipió a creyer que lo destín lo yera marchando-se d'a banda. Cuan los Chili Peppers prencipioron lo suyo chira mundial, Frusciante se convenció que no podría fer-lo entre la mesma, per lo que teneba que fer-lo en ixe momento. Frusciante admitió una vegada que heba estau un placer vivir en una existencia hedonista; manimenos, «a los vinte anyos prencipié a portiar-me bien y a mirar la musica como una forma artistica d'expresión en cuenta d'una forma de ligarse a un montón de mocetas. Pa equilibrarme, teneba que estar muito modesto, muito antiestrella de rock». En unatra entrevista, lo guitarrista expresó: «No yera un buen momento, no congeniábamos como personas, no ye divertiu estar en una banda con a cual no desfrutas. Yo no toco pa ganar-me la vida, yo foi musica perque amo fer-la y paso d'estar con chent que no ama fer musica con yo». Frusciante se negó a salir a escena en una actuación en o Club Cuattro de Tokio, lo 7 de mayo de 1992, decindo que heba deixau la banda. A la fin, los suyos companyers aconsiguioron convencer-le que tocase en aquel concierto, pero a l'atro'l día partió pa California. Cuan lo mánager d'a banda le preguntó cómo podeba explicar a los fanes lo suyo repentina marcha, Frusciante respondió: «les digan que me torné loco»..
Adicción a las drogas (1992-1997) Frusciante desenvolvió una fuerte adicción a las drogas entre los suyos cuatro anyos como miembro d'os Red Hot Chili Peppers. Antiparte d'as suyas altas dosis de marihuana, lo guitarrista se tornó adicto a la heroína. Tornó a la suya casa en California y cayió en una profunda depresión, en sentir que no podría nunca mas escribir u tocar musica, y que la suya vida yera acabada. Entre un largo periodo, se centró en a pintura y en a producción de cuatro cancions gravadas entre las sesions de Blood Sugar Sex Magik. Pa poder afrontar la suya depresión, prencipió a consumir encara mas heroína, y la suya vida se veyió menazada per la suya adicción. Seguntes Frusciante, la suya decisión de prener heroína pa curar la suya depresión estió clara: «Yera muito triste, y me meteba muito contento cuan preneba drogas; per tanto, teneba que prener drogas tot lo tiempo. Nunca me sintié culpable, siempre estié muito orgulloso d'estar un adicto». Lo propio guitarrista explicó que la suya inspiración musical proveniba d'as suyas charras con espritos en forma de voces, ondas u cuerpos astrales. En as suyas propias declaracions dició: «Oh, ye d'an viene la mía musica, de cuan yo formaba parte d'o espacio exterior. La mía musica ye una representación de seres d'atras dimensions que amaneixen en o mío cuerpo, me charran y me dan ideyas».