O estanyos d'Ixalenques (en catalán estanys de Salenques) ye un d'estanyo situau en o municipio de Montanui.
Se troban en a vall d'Ixalenques, en o Parque Natural de Posets-Maladeta, chunto a o refuchio d'el Cap de la Vall.
Toponimia O nombre autoctono en catalán ribagorzano ye estanys de Salenques, pero por la suya proximidat enta a val de Benás (que tien idiosincracia lingüistica propia) tamién se diz a sobén por o nombre aragonés tradicional estanyos d'Ixalenques.
Iste toponimo procede tanto en benasqués como en catalán d'un tipo de plantas que i son especialment abundants, as ixalencas. A ixalenca («sarguera» en aragonés cheneral, salenca en catalán) ye un tipo d'arbusto d'as riberas, muit frecuent en os ríos d'o Pireneu, que tien os trallos resistents encara que muit flexibles, y por ixo d'antes s'emplegaban pa ligar os trancos d'as navatas que heban de baixar por os ríos.
A parola ixalenca viene d'una forma hipotetica *SALENCA en latín y amuestra a misma evolución fonetica que ixaringa, ixufre, ixarrallón y ixoriguer, a on a S- inicial d'o latín ha evolucionau ta una x-. Se piensa que a terminación -enca fa de sufixo igual como en albenca. José Antonio Saura Rami:: Elementos de fonética y morfosintaxis benasquesas. Gara d'Edizions, Institución Fernando el Católico, 2003, p 78, p 316. A parola salenca se documenta tamién en catalán y en occitán (bi ha una carrera en Tolosa que se diz Carrièra de las Salencas en occitán y Rue des Salengues en francés).
Referencias
Vinclos externos En www.lacsdespyrenees.com
Ixalenques Ixalenques