O laco de Garda (en italiano Lago di Garda, en latín Benacus, en veneciano Lago de Garda, en alemán Gardasee) ye o mayor laco d'Italia. Catherine Richards (2011). Lake Como, Lake Lugano, Lake Maggiore, Lake Garda - The Italian Lakes. Hunter Publishing, Inc. p. 91. .
Islas d'o laco En o laco i hai cinco islas, todas as cuals son pro chicotas. A mas gran ye a isla de Garda, en a cual en 1220 Sant Francisco d'Asís fundó un monesterio, suprimiu en o sieglo XVIII, y en o cual hue se troba un edificio d'estilo neogotico veneciano d'o sieglo XIX. A poca distancia se troba a segunda isla mas gran, a isla de Sant Biagio, tamién clamada "dei Conigli" (en aragonés d'os coniellos) porque en o sieglo XVI i heba numerosas llebres y coniellos que ofriban abundants caceras. A isla, ubicada en l'extremo sud-este d'o golfo de Manerba del Garda, se troba a poca distancia d'a costa y se puede plegar a piet en periodos ixutos.
A lo largo d'a marguina iste i hai atras tres islas, todas de grandaria modesta, ubicadas en a redolada de Malcesine: a mas septentrional ye a isla d'as Oliveras (en italiano l'isola degli Olivi), dimpués ye a isla d'o suenio (en italiano l'isola del Sogno), a la cual tamién se puede accedir a piet en periodos ixutos dende la marguina, y finalment a mas meridional, a isla de Trimelone (u Tremellone).
Clima O clima ye mediterranio y suau, o que ha contribuiu, antiparte d'a belleza paisachistica, a fer d'o Laco de Garda una important fique turistica internacional. A temperatura meya anyal ye de 12,5 °C, oscilando entre os 1,5 °C en chinero y os 23 °C en chulio. As precipitacions son abundants (850 mm anyals) y bien repartidas tot l'anyo.
Aires thumb|250px|Os aires d'o laco de Garda O laco de Garda ye un laco orientau de norte a sud, por o que muitos aires tipicos son o resultau d'una diferencia en as condicions atmosfericas entre a parte alta y a baixa, a causa que se cheneran aires que baixan d'as montanyas a la plana de maitín y puyando a las montanyas de tardis. Os aires prenen nombres dialectals, por o que un aire puede tener nombres diferents.
L'aire mas conoixiu ye o Pelèr (u Sover u Sauar u Soar u Vént dé Sóra), y ye buscau por os entusiastas d'a navegación. Atras bisas de montanya son Montis (u Montes), que bufa dende lo Mont Baldo enta Bardolino y Peschiera, y Traersù, que en cambio baixa dende as estriberas de Brescia enta Moniga y Manerba.
Atros aires importants, en iste caso ascendents, son Ora d'o Garda, una bisa d'a val que bufa dende o sud poco dimpués d'a caita d'o Sover dica la tardada.
Un aire frío periodico que cheneralment bufa en primavera u agüerro, y con una duración promeyo de tres días, ye o Balì: ye l'aire mas violento que truca o laco, s'orichina en os Alpes pero ye canalizau enta o sud por o laco. Atros aires periodicos incluyen Vinessa (u Vinezza, u Vicentina) que bufa humido y fresco dende o sud-este. Atros aires periodicos pero menos frecuents son o Toscano (u Toscà), o Pezzochero, o Gardesana, o Boaren y o Avreser.
Turismo O laco de Garda ye un popular destín turistico. I hai hotels, casas d'uespedes, apartamentos de vacancias y campings arredol d'o laco. A mayoría d'os puestos de loguero de vacancias son ubiertos dende zaguerías de marzo dica prencipios d'octubre. A temporada prencipal ye chulio y especialment agosto. A mayoría d'os hotels, cafeterías y restaurants son zarraus en os meses d'hibierno.
I hai numerosos parques d'atraccions en la marguina sud d'o laco, como que Gardaland u Canevaworld. La marguina norte ye particularment popular entre os escaladors, ciclistas de montanya y surfistas.
Localidaz en o laco de Garda Lombardía Veneto Trentino-Alto Adigio Limone sul Garda Campione del Garda Gargnano Toscolano Maderno Gardone Riviera Salò San Felice del Benaco Manerba del Garda Moniga del Garda Polpenazze del Garda Puegnago sul Garda Soiano del Lago Padenghe sul Garda Lonato del Garda Desenzano del Garda Sirmione Peschiera del Garda Lazise Bardolino Garda Torri del Benaco Porto di Brenzone Malcesine Riva del Garda Linfanetto Nago-Torbole
Referencias
Categoría:Lacos d'Italia