Mundobriga u Munebrix yera un antigo poblau celtibero situau en a sierra de Pardos que se relaciona con l'actual población de Munebrega, en a Comunidat de Calatayú, provincia de Zaragoza.
As restas d'ista ciudat celtibera s'escubrioron gracias a unas investigacions arqueolochicas realizadas en 1998 en o río Xalón. Mundobriga. Arxeos Se sabe que o nuclio de Mundobriga se conservó dica o periodo de dominación musulmana, estando emplegada anteriorment por romanos y visigodos. Ficha Mundobriga. ArteHistoria
Localización geográfica Localizau en a sierra de Pardos, se tracta d'un important chacimiento situau en o puesto dito Granja de Zaragocilla, entre as localidaz d'Olvés y Munébrega, en a provincia de Zaragoza. Astí ocupa un cabezo elevau con a suya cima protechida por un doble paramento de muralla, evidenciando-se dimpués en baixar por o mont a existencia d'atras linias de muros de contención/murallas (dica seis u siet) mas que mas en a ladera meridional (de mas fácil acceso). En o cobalto bi ha tumulos, y s'observa tamién un trampo de fortificación que une as linias tercera y cuarta de muralla, construyiu perpendicularment a ellas.
Trobos En os campos que se sitúan a l'este y sud-sud-este d'o tozal, se troba abundant ceramica celtiberica, tanto pintada como sin pintar: cuencos, crateras, vasos, ollas globulars, etc., tot ello datable d'os sieglos III u II a.C. En a cima, a ceramica ye muito mas escasa, encara que astí s'han replegau bellas piezas d'a I Edat de Fierro. En un campo a o pie d'o cabezo y a o sud-ueste d'o mesmo, as fainas de labranza heban descubierto una bolsada de cenisas cubierta por losas de piedra, correspondient sin dubda a un enterramiento. En una chicota elevación que se sitúa debant d'iste tozal, a o sud d'o mesmo, s'aprecian tamién cuantos tumulos.
Se veiga tamién Munebrega
Referencias
Vinclos externos
Mapa de situación de Mundobriga Pachina web d'a localidad de Munebrega
Categoría:Ciudaz celtiberas en Aragón Categoría:Chacimientos celtibers d'Aragón Categoría:Munebrega