O santuario d'a Virchen de Moncayo ye un santuario que se troba a 1.620 metros d'altura en Moncayo en o termín municipal de Tarazona (Aragón).
Cada mes de chulio i hai una romería clamada romería d'o Quililay an os vecins de Tarazona puyan dica asti.
O santuario ye o puesto de marcha habitual en a puyada enta la tuca de Moncayo.
Amán se troba a fuent y a ermita de Sant Gaudioso.
Denominación O suyo nombre ha iu variando con o paso d'os sieglos. Asinas antis mas se deciba Nuestra Sinyora d'a Penya Negra u Santa María de Penya Negra. Alberto Serrano Dolader:Moncayo, el laberinto legendario, Institución Fernando el Católico, 2010, , p.347
Descripción O santuario ye un complexo d'edificios situaus baixo a uembra d'una penya clamada "Lo Cucharón". I hai un alox que conta con 17 cambras y una capacidat maxima de 45 plazas. Tamién i hai un restaurant.
Historia Posiblement s'erichió un templo dedicau a dioses pagans que posteriorment fuo cristianizau. A tradición diz que en a Edat Meya un pastor descubrió en iste puesto una imachen d'a Virchen. S'erichió alavez una ermita y una casa pa auespedar a os pelegrins. En 1260 o bispe de Tarazona rebló o complexo a o monesterio de Veruela. En 1473 o monesterio de Veruela torna lo santuario a o Cabildo de Tarazona o cual mantiene a suya posesión dica que en 1990 toz os edificios (fueras d'a ilesia) pasan a estar propiedat d'a empresa privada Arivalle S.L.
Referencias
Vinclos externos http://santuariodelmoncayo.com/
Categoría:Molimentos de Tarazona Categoría:Ermitas d'a provincia de Zaragoza Moncayo